İctimai Alyans siyasi məhbuslara azadlıq tələb edir
“Siyasi məhbuslarsız Azərbaycan” İctimai Alyansı vətəndaş fəallarına qarşı repressiya və qanunsuz məhkəmə qərarlarına etiraz olaraq bəyanat yayıb.
Sənəddə Xalq Cəbhəsi Partiyası sədrinin müşaviri Məmməd İbrahimə qarşı xuliqanlıq adı ilə cinayət işinin başlanması əsassız, qurama sayılır.
REAL Hərəkatının həbsdə olan sədri İlqar Məmmədovun həbsxanada dəfələrlə təqib və zorakılıqlara məruz qaldığı deyilir. İ.Məmmədovun həbsxanadan azad edilməsi haqda Avropa Məhkəməsinin qərarının icra edilmədiyi vurğulanır. Onun həbsxanada zorakılıqlara məruz qalması pislənilir.
Siyasi məhbus və hüquq müdafiəçisi Leyla Yunusun səhhətindən narahatlıq ifadə edilir, xəstəlikdən əziyyət çəkməsi nəzərə alınaraq xanım Yunusun dərhal azad edilməsi tələb olunur.
“Meydan TV” ilə əməkdaşlıq edən jurnalistlərə yönəlmiş təqiblər də bəyanatda tənqid olunur. Bu hal müstəqil jurnalistikaya təzyiq kimi dəyərləndirilir.
Sənəddə “Siyasi Məhbuslarsız Azərbaycan” İctimai Alyansı qurumun koordinatoru, hüquq müdafiəçisi O.Gülalıyevin övladı Əlgüşad Gülalıyevin məhkum edilməsi ilə bağlı Bakı Apellyasiya Məhkəməsinin qərarına etiraz edilir. Bundan əlavə, AXCP fəalı Murad Adilovovun barəsində Şirvan Apellyasiya Məhkəməsinin qərarına etiraz bildirilir.
Son olaraq “Siyasi Məhbuslarsız Azərbaycan” İctimai Alyansı həbsdə olan bütün siyasi məhbusları dərhal və qeyd- şərtsiz azad etməyə çağırır.-05D-
-
- Siyasət
- 29 Oktyabr 2015 11:21
-
- İqtisadiyyat
- 29 Oktyabr 2015 12:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz