Açiq mənbələrdən foto.
Bakı/31.10.22/Turan: İctimai fəal Mehman Həbibov oktyabrın 27-də Azərbaycan Xalq Cəbhəsi Partiyasının etiraz aksiyasında iştirak etdiyinə görə təzyiqlərlə üzləşdiyini deyir.
Onun sözlərinə görə, aksiya zamanı xəsarət alıb və Respublika Klinik Xəstəxanasına yerləşdirilib.
"Həkimlər ilk öncə mənə boyun sümüyü çatlaması və kəllə beyin travması almağımı desələr də mitinq adı eşidən kimi bununla bağlı sənəd vermədilər və xəstəxanadan xaric etdilər,” o qeyd edib.
Fəalın sözlərinə görə, növbəti günlər polis əməkdaşları Biləsuvar rayonunda yaşayan onun valideynlərinin evinə gəliblər.
"Məni axtarıblar. Mən Rusiyada yaşayıram və ikili vətəndaşlığım var. Rusiyada sosial şəbəkə "Slava Ukraine" yazdığım üçün 7 sutka həbs olunmuşam, sonra Azərbaycana qayıtmışam. Ötən həftə polis əməkdaşları valideynlərimin evlərinə gedərək mənim yerimi soruşublar. Onlar anama mənim fərari olduğumu, Rusiyadan hərbi çağırışdan yayındığımı bildiriblər. Sonra atamı maşına mindirib aparıblar, mənim aksiyada iştirakımla bağlı bəzi suallar veriblər. Onlar və mənim Biləsuvar Rayon Polis İdarəsinə gəlməli olduğumu, əkis halda zorla gətiriləcəyimi bildiriblər. Sonra atamı sərbəst buraxıblar. Həmin gün, günorta saatlarından sonra, polislər atamın işlədiyi iş yerinə yenidən gəliblər".
Həbibovun sözlərinə görə, anasının bu hadisədən sonra halı pisləşib, təziqi yüksəlib və görmə qabiliyyətində problemlər yaranıb.
Məsələ ilə bağlı Daxili İşlər Nazirliyindən bildirilib ki, Mehman Həbibovun döyülməsi ilə bağlı iddialar əsassızdır.
"Digər məsələlərlə bağlı deyə bilərik ki, şəxs öz məqsədlərinə görə diqqətini öz üzərinə çəkmək istəyir, ona görə bu məlumatları yayır," Daxili İşlər Nazirliynin rəsmisi bildirib.-0-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz