Vladimir Putin and Nikol Pashinyan
Bakı/31.10.22/Turan: Ermənistanla Azərbaycan arasında dövlətlərarası münasibətlərin qurulması üçün əsas prinsiplər və parametrlərlə bağlı Rusiyanın layihəsində təklif edilən Dağlıq Qarabağ üzrə yanaşmalar Ermənistan üçün məqbuldur. Bu barədə bazar ertəsi Soçidə Ermənistanın baş naziri Nikol Paşinyan Rusiya prezidenti Vladimir Putinlə görüşündə bildirib.
O, bugünkü görüşün yekunlarına dair üçtərəfli bəyanatda bu sənədə istinad ediləcəyinə ümidvar olduğunu bildirib.
“Ermənistan bunu təklif edib, lakin hələ də Rusiya Federasiyasının bu təklifi dəstəklədiyinə dair heç bir təsdiq yoxdur. Qeyd etmək istəyirəm ki, bu, Praqada əldə olunmuş razılaşmalara zidd deyil. Praqa danışıqları zamanı diqqətimi sizin Dağlıq Qarabağa dair açıq bəyanatlarınıza yönəltdim”, - Paşinyan deyib.
Öz növbəsində Rusiya prezidenti Vladimir Putin deyib ki, Qarabağ ətrafında münaqişə onilliklərdir ki, davam edir, buna son qoyulmalıdır.
O qeyd edib ki, kommunikasiyaların açılması Ermənistan iqtisadiyyatının inkişafına töhfə verə bilər. 06B
Siyasət
-
Dekabrın 26-da Bakı Ağır Cinayətlər Məhkəməsində iqtisadçı Fazil Qasımovun işi üzrə proses davam edib.
-
Azərbaycan dekabrın 25-də Qroznıya uçan AZAL təyyarəsinin qəzaya uğraması nəticəsində həlak olanların və yaralananların ailələrinə maddi yardım göstərilməsilə bağlı Ramzan Kadırovun bəyanatını rədd edib.
-
"Təyyarə vaxtında uçdu, ancaq saat 10:13-də geri döndü. Bu gün üçün reys ləğv edildi. Səbəbi məlum deyil", - hava limanının nümayəndəsi Turan agentliyinə bildirib. Reysin daha sonra baş tutub-tutmayacağı məlum deyil.
-
Rusiya tərəfi Çeçenistan səmasında AZAL-ln təyyarəsinin vurulmasında əli olduğunu inkar etmək üçün hər şeyi edir. Rusiya KİV quşlarla toqquşma və təyyarənin düşməsindən əvvəl göyərtədə balonun partlaması barədə xəbərlər yayır.
Rəy yaz