Məhəddin Orucov
Bakı/20.10.23/Turan: İctimai fəal Məhəddin Orucov inzibati qaydada 30 sutka həbs edilib. Bu barədə Turan-a onun yaxınları bildiriblər.
Oktyabrın 18-də axşam onu Suraxanı rayonu 32-ci polis bölməsinin əməkdaşları saxlayıblar. Polis onun saxlanmasına səbəb kimi sosial şəbəkələrdə Azərbaycan prezidentinin ünvanına yazdığı tənqidi şərhləri göstərib.
Ertəsi gün Suraxanı Rayon Məhkəməsi onu İnzibati Xətalar Məcəlləsinin 510 (xırda xuliqanlıq) və 535-ci (polisin qanuni tələblərinə tabe olmamaq) maddələrilə təqsirli bilərək 30 sutka inzibati həbs cəzasına məhkum edib.
Bununla yanaşı, məhkəmə onu 200 manat cərimələyib.
Polisdə fəala fiziki təzyiq göstərildiyi də bildirilir.
Daxili İşlər Nazirliyindən şərh almaq mümkün olmayıb.
Yerli hüquq müdafiəçiləri fəalların sosial şəbəkələrdə tənqidi yazılarına görə inzibati həbs hallarının artmasına diqqəti çəkirlər.
Belə ki, oktyabrda Demokratiya və Rifah Partiyasının fəalı Hüseyn Məlik, Xalq Cəbhəsi Partiyasının üzvləri Kənan Zeynalov, Ramin Əhmədov və Orxan Baxışlı, həmçinin ictimai fəal Emin Axundov həbs edilib.
Hakimiyyət bu həbslərin siyasi motivli olduğunu inkar edir.- 06B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz