İctimai Komitənin yeni tərkibi

   İyulun 7-də Azərbaycan Ədliyyə Nazirliyi yanında İctimai Komitənin (İK) yeni tərkibi açıqlanıb.

İK-ə vətəndaş cəmiyyətinin 11 fəalı daxil olub: Əhməd Abbasbəyli (Cəmiyyət və Vətəndaş Münasibətlərinin İnkişafı İB), Səadət Bənənyarlı (Beynəlxalq İnsan Hüquqları Cəmiyyətinin Azərbaycan milli bölməsi), Çingiz Qənizadə (Demokratiya və İnsan Hüquqları Komitəsi), Nazir Quliyev  (Hüquq Dünyası Hüquqi Təbliğat İB), Şahin Camalov (XXI əsr – Azərbaycan İnsan Hüquqları Fondu), Rauf Zeyni (Azərbaycan Milli Qeyri-Hökumət Təşkilatları Forumu), Sahib Məmmədov (Vətəndaşların Əmək Hüquqlarının Müdafiəsi Liqası),  Əliməmməd Nuriyev (“Konstitusiya” Araşdırmalar Fondu), Hacımurad Sadəddinov (hüquq müdafiçisi), Zaur Seyidzadə (“Zaur” əlillərin xeyriyyə cəmiyyəti), Zəlihə Tahirova (Azərbaycan Hüquq-Müdafiə Mərkəzi).

Həmin gün İK-nin yeni tərkibdə ilk iclası   olub. İcslasda qurum üzvlərinə növbəti 2 il üçün yeni vəsiqələr təqdim edilib. Ç.Qənizadə yenidən İK-nin sədri seçilib.

İK ədliyyə naziri tərəfindən təsdiqlənmiş 25 aprel 2006-cı il tarixli “Cəzaların icrasını yerinə yetirən müəssisələrin fəaliyyətinə ictimai nəzarətdə və mühakimə olunanların islah edilməsində ictimaiyyətin iştirakı qaydaları” əasında yaradılıb.

İK-nin 11 üzvünü Seçki Komissiyası seçir. O zaman İK-nin penitensiar müəssisələrdə iş qaydaları müəyyən edilib.

2014-cü ildən İK həmçinin “İctimai iştirak haqqında” qanun əsasında da fəaliyyət göstərir. Azərbaycan Hüquq-Müdafiə Mərkəzi məlumat verib.