İyunun 30-da həbsdəki hüquq müdafiəçisi Rəsul Cəfərov Azərbaycan Respublikası Prezidentinin İctimai-Siyasi məsələlər üzrə köməkçisi Əli Həsənova məktub göndərib. Bu barədə onun facebook səhifəsində məlumat yerləşdirilib. Məktubun əsas mesajı ondan ibarət olub ki, Rəsul Cəfərov ilk növbədə öz müraciəti əsasında azadlığa çıxmaq istəyir və ötən ilin oktyabrında göndərdiyi müraciətin müsbət cavablandırılacağına ümid edir.
Müraciətlə bağlı isə Cəfərov şərh verərək bildirib ki, bu faktdır ki, beynəlxalq təşkilatlar xüsusən də BMT və Avropa Şurası (hər ikisi qarşısında öhdəliklər götürmüşük) insan haqlarının vəziyyətinin yaxşılaşdırılması ilə bağlı davamlı və israrlı çağırışlar edirlər, bu arada əsas xətt məndə daxil olmaqla əsassız ittihamlarla həbs edilmiş şəxslərin azadlığa buraxılması ilə bağlıdır.
“Ailə üzvlərim, dostlarım, jurnalistlər,vəkillər, gənc fəallar ekspertlər də daxil olmaqla yerli ictimaiyyət də məni dəstəkləməkdə, mənə yardım etməkdə davam edir, yəni mənim azadlığa çıxmağımla bağlı fəaliyyət təkcə beynəlxalq təşkilatların fəaliyəti ilə məhdudlaşmır. Bütün bu fəaliyyətlərə görə yeri və beynəlxalq ictimaiyyətə öz dərin təşəkkürümü bildirirəm və inanıram ki, azad edilməyimə qədər bu dəstək davamlı olacaq. Digər bir fakt isə ondan ibarətdir ki, hazırda mənim dərhal azadlığa çıxmağımla nəticələnəcək yardımı Azərbaycan Respublikasının prezidenti cənab İ. Əliyev göstərə bilər, bu həbsimin ilk günündən belə olub və təsadüfi olmadı ki, mən həbsimin 3-cü ayında (15.10.2014-cü il ), yəni beynəlxalq ictimaiyyətin davamlı və israrlı çağırışlarından çox əvvəl prezidentə müraciət ünvanladım və ondan azadlığa çıxmağıma yardım göstərməsini xahiş etdim, başqa sözlə desək azadlığa çıxma imkanımı yalnız beynəxalq ictimaiyyətdə deyil, həmdə dövlət başçısına müraciətdə, yəni problemin ölkə daxilində həllində görürdüm və hazırda da bu mövqeyimdə qalıram”, deyə hüquq müdafiəçisi bildirib.
Xatırladaq ki, Rəsul Cəfərov 2 avqust 2014-cü il tarixində həbs edilib. O qanunsuz sahibkarlıq , vergidən yayınma, mənimsəmə kimi maddələrlə ittiham edilirdi. 16 aprel 2015-ci il tarixində isə Bakı Ağır Cinayətlər Məhkəməsinin qərarı ilə 6 il 6 ay müddətinə azadlıqdan məhrum edilib. –06D--
Söz istəyirəm
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Rəy yaz