Azərbaycan hakimiyyəti ictimai yerlərdə siqaret çəkilməsini xeyli məhdudlaşdırmağı planlaşdırır.
Müvafiq qanun layihəsi bu gün parlamentin insan hüquqları, əmək və sosial siyasət komitələrinin iclasında müzakirə olunub.
Təhsil müəssisələrində, idman komplekslərində, ticarət obyektlərində, restoran və kafelərdə, otellərdə, sanatoriyalarda, teatr və kinoteatrlarda, muzeylərdə, yeraltı və yerüstü keçidlərdə, bütün növ nəqliyyat vasitələrində, avtobus dayanacaqlarında, vağzallarda, aeroportlarda, taksofonlarda, liftlərdə, çoxmənzilli binaların ümumi meydançalarında, çimərliklərdə, mülkiyyət formasından asılı olmayaraq, bütün təşkilatların iş yerlərində siqaret çəkməyin qadağan ediləcəyi gözlənilir.
Qanun layihəsinin müzakirəsi davam edir. -02D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz