![İctimaiyyət Nazpəri Dostəliyevanın müdafiəsinə qalxıb](https://turan.az/resized/750/500/resize/media/2013/main/070400041484.jpg)
İctimaiyyət Nazpəri Dostəliyevanın müdafiəsinə qalxıb
Ölkə ziyalıları və cəmiyyət fəalları xalq artisti Nazpəri Dostəliyevanın Nəsimi Rayon Məhkəməsi tərəfindən 50 min manat cərimələnməsinə ertirazlarını ifadə edirlər.
Belə ki, müğənni İlhamə Quliyevanın iddiası əsasında xalq artisti N.Dostəliyeva çərimə edilib. Mətbuat oqranlarının bu qərarı N.Dostəliyevanın İ.Quliyevaya uduzması kimi şərh etməsi ilə birinci razılaşmayıb, bu çəkişmənin hələ davam edəcəyini bildirib. Bununla belə ictimai rəy N.Dostəliyevanın müdafiəsinə köklənib.
Tanınmış ziyalı Mehriban Vəzir bu məhkəməyə qədər bir məhkəmə prosesinin olduğunu, amma İ.Quliyevanın iddiasının rədd edilməsini xatırladıb. “Görünür, Nazpəri xanımı İsa Qəmbərin oğlunun toyunda iştiraka görə cəzalandırıblar”, - M.Vəzir məhkəmə qərarına münasibətini ifadə edib. O, bu addımı yaxşı əlamət saymayıb. Onun fikrincə, bu rejimin müxalif siyasi şəxslərə və ya iqtidara yaxın olmayan qeyri-siyasi şəxslərə tərəf atdığı kiçik addıma görə sənətkarı cəzalandırmasıdır. Bu həm də digər sənətkarları qorxutmaq məqsədi daşıyır.
Hüquq müdafiəçisi Novella Cəfəroğlu da məhkəmə qərarının birbaşa N.Dostəliyevanın İ.Qəmbərin oğlunun toyunda iştirakı ilə bağlı olduğunu bildirir. N.Cəfəroğlu bu məhkəmə prosesini iki sənət adamı arasında çəkişmə kimi dəyərləndirməyib, qərarın siyasi çalarlı olduğunu qeyd edib. Hüquq müdafiəçisi Apellyasiya Məhkəməsi mərhələsində N.Dostəliyevanın hüquqlarını müdafiə etməyə hazılrşadığını söyləyib.
Hüquq müdafiəçisi Leyla Yunus bu qərarla dövlət başçısı İlham Əliyevin polis günündəki çıxışı arasında paralellər aparıb. Dövlət başçısının cəmiyyəti “özününkülər” və “özgələr” kateqoriyasına böldüyünü xatırladıb. Məhkəmə qərarını bu bölünmənin nəticəsi kimi dəyərləndirib. “Şeron” qrupu “Susma” klipini oxuduğuna görə təzyiqə məruz qoyulur, N.Dostəliyeva İ.Qəmbərin oğlunun toyunda iştiraka görə cəzalandırılır”, - L.Yunus vurğulayıb. Sabahsa hansısa bənna və ya suvaqçının iqtidar tərəfdə olmayan şəxsin evini tikdiyinə, ya suvadığına görə cəzalandırıla biləcəyini qeyd edib.-05B-
-
- Siyasət
- 4 İyul 2013 13:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz