Абульфаз Буньядов
İflic olan dini fəalın azadlığa buraxılmasına çağırış
Bakı/04.07.19/Turan: Vətəndaş cəmiyyətinin bir qrup fəalı Nardaran sakini, yataq xəstəsi Əbülfəz Bünyadovun həbsdən azad edilməsi üçün kampaniyaya başlayıb. İnternet platformada yayılan müraciət üçün imza toplanılır:
Fəallar Ə.Bünyadovun azadlığa buraxılmasına yardım göstərilməsilə bağlı Ə.Bünyadovun anası Xeyriyyə Bünyadovanın prezident İlham Əliyev və birinci vitse-prezident Mehriban Əliyevaya müraciətini dəstəkləməyə çağırırlar.
Ali Məhkəmə Nardaran hadisələri ilə əlaqədar mühakimə olunmuş Ə.Bünyadovun kassasiya şikayətini təmin etməyib.
Müraciətdə xatırladılır ki, Ə.Bünyadov 2015-ci il noyabrın 26-da Nardaranda keçirilmiş xüsusi əməliyyat zamanı yaralanıb və iflic vəziyyətinə düşüb. O həbs edilib. Lakin bir müddət sonra polis nəzarətinə buraxılıb. 2018-ci il iyulun 11-də məhkəmə onu 15 il azadlıqdan məhrum edib və Ə.Bünyadovu məhkəmə zalından həbsxanaya xərəkdə aparıblar.
Hazırda Ə.Bünyadov Penitensiar Xidmətin müalicə müəssisəsində saxlanılır və ona digər məhbuslar qulluq edirlər. Son vaxtlar hepatit C və bağırsaq infeksiyası ilə əlaqədar vəziyyəti daha da pisləşib.
Məhbusun anası qeyd edib ki, onun da ayaqları tutulub, oğluna baş çəkə bilmir. O, ölkə rəhbərliyini oğlunun ağır vəziyyətini, ailənin durumunu nəzərə alaraq, heç olmasa həbs qətimkan tədbirinin dəyişdirilməsinə yardım göstərməyə çağırır.
Xatırladaq ki, 2015-ci ilin noyabrında Nardaranda keçirilmiş xüsusi əməliyyat zamanı Ə.Bünyadovun aldığı güllə onurğasını zədələyib. -06D-
-
- İqtisadiyyat
- 4 İyul 2019 15:03
Cəmiyyət
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
-
Azərbaycan səhiyyə sahəsində əhəmiyyətli bir addım atmağa hazırdır, belə ki, gələn ildən onkoloji xəstəliklərin müalicəsini icbari tibbi sığorta sisteminə daxil etməyi planlaşdırır.
-
Azərbaycanın Milli Hidrometeorologiya Xidməti meteoroloji hadisələr haqqında təxminlərdə rəng şkalasından istifadə edəcək. Bu barədə qurumun nümayəndələrinin bugünki mətbuat konfransında bildirilib.
-
Azərbaycanda bu il iki seçkinin keçiriləcəyi gözlənilir. Söhbət həm parlament, həm də bələdiyyə seçkilərindən gedir. Bələdiyyə seçkilərinin öz vaxtı elə bu ildir. Azərbaycanda sonuncu parlament seçkiləri isə dörd il əvvəl növbədənkənar (altı ay vaxtından əvvəl) keçirilib. Bu, hakim düşərgədə "islahatların sürətləndirilməsi" istəyi ilə izah edilib. Hərçənd, bəzi müxalifət partiyaları onu "seçkinin tez-tələsik saxtalaşdırılması" adlandırıb. Azərbaycanda parlament seçkiləri, qanunvericiliyə əsasən, beş ildən bir keçirilməlidir.
Rəy yaz