![İki jurnalist saxlanılıb](https://turan.az/resized/750/500/resize/media/2016/main/081800165982.jpg)
İki jurnalist saxlanılıb
Jurnalistlər Aytac Əhmədova və İlqar Vəliyev Bakı Şəhər Baş Polis İdarəsinin qarşısında saxlanılıblar. Onlar Bakı Apellyasiya Məhkəməsinin qarşısından sözügedən idarəyə aparılan NİDA Vətəndaş Hərəkatının İdarə Heyətinin üzvü Turqut Qəmbərlə bağlı çəkiliş aparırmışlar.
“Əvvəlcə Aytac Əhmədovanın çəkiliş apardığı mobil telefonunu aldılar, sonra isə hər iki jurnalisti polis avtomobilinə oturdaraq polis bölməsinə apardılar”, - NİDA Vətəndaş Hərəkatının İdarə Heyətinin üzvü Ülvi Həsənli Turan-a bildirib.
Hələlik rəsmi qurumlardan şərh almaq mümkün olmayıb.
Bir saatdan sonra jurnalistləri buraxıblar. Bu barədə A.Əhmədova məlumat verib. Onun sözlərinə görə, onları Xətai rayonu 37-ci polis bölməsinə aparıblar və Baş Polis İdarəsinin qarşısında aparılan çəkilişin “qanunsuz” olduğunu bildirdikdən sonra buraxıblar.-03B-
-
- Cəmiyyət
- 18 Avqust 2016 16:10
Cəmiyyət
-
İyulun 17-də polisə Abşeron rayonu Saray qəsəbəsində yerləşən evlərdən birindən içərisində 130.000 ABŞ dolları və 700 qram qızl-zinət əşyaları olan seyfin oğurlanması barədə məlumat daxil olub.
-
Çərşənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşama doğru bəzi yerlərdə arabir yağış yağacağı proqnozlaşdırılır. Mülayim cənub-qərb küləyi əsəcək, gündüz şimal-qərb küləyi ilə əvəzlənəcək. Havanın temperaturunun gecə 21-26 dərəcə, gündüz 30-35 dərəcə isti, rütubətin 60-70% olacağı bildirilir.
-
İyulun 22-də Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi qrupunun və dövlət orqanlarının əməkdaşlarından ibarət komissiya üzvlərinin iştirakı ilə Dövlət Sərhəd Xidməti tərəfindən qanunsuz dövriyyədən çıxarılan narkotik vasitələrin məhv edilmə prosesi həyata keçirilib.
-
Polis Azərbaycanın xalq artisti Ağadadaş Ağayev barəsində araşdırmaya başlayıb.
Rəy yaz