Siyəzən. �bahalaşma etirazı�. Azadlıq
İki siyasi məhbus azadlığa çıxıb
Bakı/27.02.18/Turan: Adları hüquq müdafiəçilərinin tərtib etdiyi siyasi məhbuslar siyahısına daxil edilən Aydın Səfərli və Sirac Rəhimov azadlığa çıxıb. Bu barədə Turan-a Siyasi Məhbusların Müdafiə Mərkəzindən bildiriblər.
Məlumata görə, onları həbs müddətləri başa çatdığına görə buraxıblar.
A.Səfərli 2016-cı ilin yanvarında Siyəzəndə unun və digər məhsulların qiymətlərinin artmasına etiraz edənlərdən biridir. Məhkəmə onu 2 il müddətinə azadlıqdan məhrum etmişdi. O, fevralın 22-də azadlığa buraxılıb.
S.Rəhimov isə 2015-ci ildə Mingəçevir şəhərində həbs edilmişdi. O vaxt Mingəçevirdə polis şöbəsində baş vermiş müəmmalı ölüm hadisəsinə etiraz aksiyası keçirilmişdi. S.Rəhimov həmin aksiya zamanı saxlanılmışdı. O, fevralın 25-də həbsdən buraxılıb.
Azərbaycanda siyasi məhbusların siyahısını hazırlayan iki qrup var. Hüquq müdafiəçiləri və keçmiş siyasi məhbuslardan ibarət olan həmin qruplar vaxtaşırı siyahı hazırlayıb yayırlar. Hər iki siyahı arasında say baxımından kiçik fərq var.
Qruplar hesab edirlər ki, Azərbaycanda ümumilikdə 160-dan artıq siyasi motivlərlə həbs edilmiş şəxs var.
Azərbaycan hakimiyyət rəsmiləri ölkədə siyasi məhbusun olması fikri ilə razılaşmırlar. Onlar deyirlər ki, Azərbaycanda düşüncələrinə, siyasi mənsubiyyətinə görə heç kim həbs edilmir. Adları siyasi məhbusların siyahısında yer alan insanlar törətdikləri əmələ görə məsuliyyətə cəlb ediliblər.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz