Bakı/24.04.19/Turan: Bir illik fasilədən sonra iki müdafiəçinin - Əsabəli Mustafayev və Nemət Kərimlinin vəkillik fəaliyyəti aprelin 24-də bərpa edilib.
Vəkillərin səlahiyyətləri 23 aprel 2018-ci il tarixində baş prokurorun birinci müavini Rüstəm Usubovun şikayəti əsasında Azərbaycan Vəkillər Kollegiyası tərəfindən bir il müddətinə dayandırılmışdı. Vəkillər müvafiq olaraq Azərbaycan Xalq Cəbhəsi Partiyasının sədr müavini Gözəl Bayramlının və jurnalist Əfqan Muxtarlının işlərini "siyasiləşdirməkdə" ittiham olunmuşdular.
Hüquq müdafiəçiləri vəkillərin kənarlaşdırılmasını hər ikisinin "səs-küy doğuran siyasi işlərdə" müdafiəçi kimi çıxış etmələri ilə bağlı siyasi qərar kimi qiymətləndirmişdilər.
Qeyd edək ki, Gözəl Bayramlı 2017-ci ilin mayında həbs edilib və sonradan 3 il müddətinə azadlıqdan məhrum edilib. O, bu ilin martında əvf sərəncamı ilə azadlığa çıxıb.
Əfqan Muxtarlı 2017-ci ilin mayında həbs edilib və qaçaqmalçılıq, sərhədi qanunsuz keçmə və sərhədçiyə qarşı güc tətbiq etmə ittihamları ilə 6 il müddətinə azadlıqdan məhrum edilib.
Bayramlı və Muxtarlı hüquq müdafiə təşkilatları tərəfindən siyasi məhbus kimi tanınıblar. -06D-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz