![«İlahiyyat məscidi» QMİ-nin tabeliyinə keçir](https://turan.az/resized/media/2017/main/033100186902-750-500-resize.webp)
«İlahiyyat məscidi» QMİ-nin tabeliyinə keçir
Uzun müddət Bakı Dövlət Universitetinin tələbə şəhərciyi ərazisində dövlət qeydiyyatsız fəaliyyət göstərən “İlahiyyat məscidi” Qafqaz Müsəlmanları İdarəsinin (QMİ) idarəçiliyinə verilib. Bu açıqlamanı QMİ-nin mətbuat xidməti yayıb.
Açıqlamada deyilir ki, ölkədə dini təhsil alan tələbələrin tədris, maarif işlərini daha yaxşı təşkil etmək üçün məscid ətrafındakı ərazidə gələcəkdə yenidənqurma işləri, Tədris Mərkəzinin inşası nəzərdə tutulur: “Bu tədris mərkəzinin elm məbədi olan universitet yaxınlığında olması da mühüm məqam kimi nəzərdən keçirilir”.
Açıqlamada hazırda bu istiqamətdə layihə-hazırlıq işləri görüldüyü deyilir və bu işlərin məscidin fəaliyyətinə heç bir maneə yaratmadığı, məsciddə ibadətin davam etdiyi bildirilir.
“Mən QMİ-nin yaydığı açıqlamadan artıq hər hansı şərh verə bilmərəm”, deyə “İlahiyyat məscidi”nin imamı Ceyhun Rüstəmli QMİ-nin açıqlamasını şərh etməkdən imtina edib.
“İlahiyyat məscidi” 1995-ci ildə tikilib. Ümumi sahəsi 3500 kv.metr, iç sahəsi isə 500 kv.metrdir. “İlahiyyat məscidi” Türkiyənin Diyanət Vəqfi tərəfindən tikilib. Tikinti işlərinə 1 milyon dollardan çox vəsait xərclənib. Məscid üçün tək minarə (hündürlüyü 27 metr) də tikilib. Məscid Osmanlı memarlığı üslubundadır.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz