![Prezident İlham Əliyev Sarkisyana cavab verib](https://turan.az/resized/media/2017/main/040600000166-750-500-resize.webp)
Prezident İlham Əliyev Sarkisyana cavab verib
Prezident İlham Əliyev Ermənistanı Dağlıq Qarabağ münaqişəsinin nizamlanması üzrə danışıqlardan yayınmaqda ittiham edib.
«Bu gün həm danışıqlar prosesində, həm də bölgədə yeni bir vəziyyət yaranıb. Düzdür, Ermənistan çalışır ki, danışıqlardan boyun qaçırsın. Ancaq buna müvəffəq olmayacaq. Nə qədər çalışsa da məcbur olub danışıqlara qayıdacaq», - İ.Əliyev martın 31-də aprel qələbələrinin ildönümü ilə əlaqədar martın 31-də bir qrup hərbçi ilə görüşüb.
İ.Əliyev qeyd edib ki, Ermənistanın dövlət kimi mövcud olması üçün qonşuları ilə münasibətləri normallaşdırması lazımdır. Bundan ötrü işğalçı erməni qüvvələri dərhal və qeyd-şərtsiz Azərbaycan torpaqlarından çıxmalıdır.
İ.Əliyev Ermənistan prezidenti Sarkisyanın hədələrinə də cavab verib.
«Bu gün Azərbaycan ordusu o qədər güclüdür ki, bu gün bizim o qədər güclü texnikamız, silah-sursatımız, müasir silahlarımız var ki, düşmənin istənilən strateji və hərbi obyektini məhv etməyə hər an hazırıq. Onlar bunu bilir və bilməlidirlər, elə bir strateji və hərbi hədəf yoxdur ki, biz onu məhv edə bilməyək», - dövlət başçısı bildirib.
«Bilirlər ki, bizim uzaqmənzilli raketlərimizin, pilotsuz döyüş aparatlarımızın gücü nədən ibarətdir. Biz onlardan demək olar ki, istifadə etmədik. Amma əgər istifadə etsək, işğal olunmuş torpaqlarda düşmənin daşı-daş üstdə qalmayacaq. Bunu onlar bilsinlər və özünü növbəti dəfə biabır edən Ermənistanın siyasi rəhbərliyi danışığına fikir versin və bizim səbrimizlə oynamasın», - İ.Əliyev bildirib.
«Biz nəyi etmək istəmişiksə onu da etmişik. Əks-hücum əməliyyatında qarşımızda hansı hədəflər durmuşdusa biz o hədəflərə də çatdıq. Bu gün hərbçilər və beynəlxalq mütəxəssislər bilirlər ki, əldə etdiyimiz strateji mövqelər tamamilə vəziyyəti dəyişdirib», - prezident qeyd edib.—06D-
-
- Cəmiyyət
- 31 Mart 2017 17:57
-
- İqtisadiyyat
- 31 Mart 2017 19:23
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz