![İlahiyyatçı Babayevin apellyasiya şikayətinə baxılması sentyabrın 11-nə təyin edilib](https://turan.az/resized/./turan-750-500-resize.webp)
İlahiyyatçı Babayevin apellyasiya şikayətinə baxılması sentyabrın 11-nə təyin edilib
Bakı/05.09.17/Turan: İlahiyyatçı Sərdar Babayev barəsində hökmdən apellyasiya şikayətinə baxılması sentyabrın 11-nə təyin edilib. İşə Şirvan Apellyasiya Məhkəməsində baxılacaq, bu barədə vəkil Cavad Cavadov bildirib. Müdafiə tərəfi şikayətdə ilahiyyatçını 3 il müddətinə azadlıqdan məhrum edən birinci instansiya məhkəməsinin qərarını ləğv etməyi xahiş edir.
Babayev bu il fevralın 22-də həbs edilib. Ona Cinayət Məcəlləsinin 168.1-ci (dini ayinlər adı altında insanların hüquqlarına qəsd etmək) maddəsi ilə ittiham verilib. Masallı rayon məhkəməsi iyulun 3-də onu üç il müddətinə azadlıqdan məhrum edib.
İttiham tərəfi hesab edir ki, Babayev xaricdə ali dini məktəb bitirməsinə baxmayaraq, məsciddə dini mərasimləri idarə edib. Müdafiə tərəfi Babayev xaricdə dini təhsil aldığı zaman qanunvericilikdə belə məhdudlaşdırıcı norma olmadığına diqqət çəkir.
Babayev ali məktəbi 2000-ci ildə bitirib, bir halda ki, məhdudlaşdırıcı norma 2015-ci ildə tətbiq edilib, qanunun isə geriyə təsiri yoxdur.
Ümumiyyətlə, müdafiə tərəfi qanunun bu normasını Avropa Konvensiyasına zidd hesab edir və Qafqaz Müsəlmanları İdarəsinin rəhbərlərinin də xaridə təhsil aldıqlarına diqqət çəkir.
Müşahidəçilər hesab edirlər ki, Babayev müstəqil mövqeyinə və öz xütbələrində dindarları narahat edən ictimai problemlərə toxunduğuna görə həbs edilib. -06B-
-
- Siyasət
- 5 Sentyabr 2017 15:47
-
- Söz istəyirəm
- 5 Sentyabr 2017 22:05
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz