![İlham Əliyev: Prioritet olmayan layihələri dayandırmaq lazımdır](https://turan.az/resized/media/2015/main/101200132666-750-500-resize.webp)
İlham Əliyev: Prioritet olmayan layihələri dayandırmaq lazımdır
Bazar ertəsi Nazirlər Kabinetinin ilin 9 ayının yekunlarına həsr edilmiş iclasını açan dövlət başçısı İlham Əliyev bildirib ki, bu dövrdə “dünyada iqtisadi böhrana, neft qiymətlərinin düşməsinə, ölkəmizə əsassız təzyiqə və açıq-aşkar təxribatlara baxmayaraq”, ölkə iqtisadiyyatı inkişaf edib.
Belə ki, iqtisadiyyat 3,7%, sənaye istehsalı 2,1%, qeyri-neft sektoru 10%, kənd təsərrüfatı 6,7% artıb.
9 ayda inflyasiya 3,7% təşkil edib, əhalinin gəlirləri 5,8% artıb, iqtisadiyyata ümumi investisiyaların həcmi 16 mlrd. dollar təşkil edib.
Sosial proqramlara toxunan Əliyev deyib ki, ölkədə 34 məktəb, 26 uşaq bağçası, 11 müalicə müəssisəsi açılıb.
500 min nəfər və ya 114 min ailə ünvanlı sosial yardım alır, 87 yeni iş yeri açılıb, bunları 67 mini daimidir.
Nəqliyyat sahəsində və hərbi inşaatda böyük nailiyyətlər var. Cəbhədəki vəziyyətdən danışan Əliyev ağır itkilər verən düşmən üzərində “tam üstünlük” olduğunu qeyd edib.
Müzakirələrə yekun vuran dövlət başçısı Azərbaycanın dünya iqtisadiyyatları arasında yüksək reytinqini, ölkədə maliyyə intizamının möhkəmləndiyini, artıq xərclərə yol verilmədiyini qeyd edib.
Daha sonra o, “prioritet olmayan layihələrin dayandırılmalı, büdcənin xərclər hissəsinə yenidən baxılmalı, dövlət büdcəsinin vəsaitlərinin isə qənaətli şəkildə xərclənməli” olduğu haqqında mühüm qeyd edib.
“Bundan başqa, sahibkarlar vergiləri vaxtlı-vaxtında ödəməlidir, amma onlarda əsassız ödənişlər tələb etmək olmaz, korrupsiyaya qarşı mübarizə tədbirləri gücləndirilməlidir”.
O, həmçinin korrupsiyaya qarşı mübarizədə ictimai nəzarətin və sahibkarlığa dəstəyin gücləndirilməsi, biznes mühitinin yaxşılaşdırılması zərurəti olduğunu qeyd edib. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz