İlqar Nəsibov Türkiyədə müayinə olunduqdan sonra Naxçıvana qayıdıb
Hüquq müdafiəçisi İlqar Nəsibov Türkiyədə müayinə olunduqdan sonra sentyabrın 1-də Naxçıvana dönüb.
Onun xanımı, QHT və Demokratiyanın İnkişafı Resurs Mərkəzinin rəhbəri Məlahət Nəsibova Turan-a bildirib ki, Van şəhərinin Tibb Universitetinin hospitalında müayinə aparılıb.
“Həkimlər belə ağır zədələrdən sonra İlqarın səhhətinin tez bərpa olunmasından təəccübləniblər”, - o qeyd edib.
Türkiyəli həkimlər üz nahiyəsində sınıqların olduğunu, döş qəfəsinin və qabırğanın zədələndiyini bildiriblər. Xoşbəxtlikdən daxili orqanlar zədələnməyib.
İlkin mərhələdə müalicənin düzgün aparıldığını qeyd edən həkimlər bərpaedici terapiyanın davam etdirilməsini məsləhət biliblər. İlqarın üzünün zədələnmiş sağ hissəsində keyləşmə müşahidə olunur.
M.Nəsibova bildirib ki, indiyədək İlqarın döyülməsi faktı üzrə cinayət işi açılmayıb, polis inzibati araşdırma aparır.
Xatırladaq ki, İlqar Nəsibov avqustun 21-də axşam QHT və Demokratiyanın İnkişafı Resurs Mərkəzində vəhsicəsinə döyülüb. Yerli və demokratik ictimaiyyət bu vəhşilik aktına etirazını bildirərək bunu Naxçıvandakı qanun pozuntularının açıqlanması üçün qisas kimi qiymətləndiriblər. Lakin hüquq-mühafizə orqanları insidentin məişət zəminində baş verdiyini bildiriblər, heç cinayət işi də qaldırmayıblar.—0-
-
- Cəmiyyət
- 2 Sentyabr 2014 15:29
-
- İqtisadiyyat
- 2 Sentyabr 2014 16:12
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz