Açiq mənbələrdən foto.
Bakı/10.11.22/Turan: İmişli rayon polisi Xəlfəli kənd sakinləri, dələduzluqda şübhəli bilinən Vüqar Qafarov və onun əmisi oğlu Bahadur Qafarovu saxlayıb.
İmisli rayonunun bir neçə sakini həmin şəxlər tərəfindən aldadıldığını bildirib. Bundan sonra araşdırma başlayıb. Belə ki, sözügedən şəxslər sakinlərə İnternetdə hansısa “investisiya platforması”na pul yatırmaqla “yüksək gəlir” ələ edəcəklərini vəd ediblər.
Polis müəyyən edib ki, saxlanılan şəxslər qısa müddətdə sosial şəbəkələrdə yaradılmış maliyyə piramidasına xeyli sayda vətəndaş cəlb ediblər.
Faktla bağlı İmişli Rayon Polis İdarəsinin istintaq bölməsində Cinayət Məcəlləsinin 178.2.1 (qabaqcadan əlbir olan bir qrup şəxs tərəfindən dələduzluq etmə), 178.2.2 (eyni əməllər təkrar törədildikdə) və 178.2.4-cü (eyni əməllər xeyli miqdarda ziyan vurmaqla törədildikdə) maddələrilə cinayət işi başlanılıb. Məhkəmənin qərarı ilə Qafarovlar həbs ediliblər. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz