Bakı/11.04.17/Turan: İmişli rayon Yalavac kənd bələdiyyəsinin sədri Qəhrəman Qəhrəmanov amansızcasına döyülməsilə əlaqədar ölkə rəhbərliyinə və KİV-ə açıq məktubla müraciət edib.
Hadisə aprelin 10-da saat 14:50-də rayon İcra Hakimiyyətinin yaxınlığında baş verib. Hücumun arxasında regional Standartlaşdırma və Patent İdarəsinin sədri, spirt zavodunun və digər çoxsaylı kommersiya obyektlərinin sahibi Saleh Məmmədov durur, Q.Qəhrəmanov yazıb.
“Saleh Səmədovun qardaşı Vahab Səmədov, dayısı oğlu Nüsrət Əliyev və tanımadığım beş nəfər mənə hücüm edib amansızcasına vurmağa başladı. Vahabla Nüsrət məni yıxaraq boğazıma bıçaq qoyanda Saleh Səmədov avtomobilin şüşəsini endirib dedi ki, başı kəsilməlidir, amma bəsdir buraxın. Mənim sinəmə çökənlər durub qaçdılar”, - Q.Qəhrəmanov bildirib.
Zərərçəkən “102” xidmətinə, təcili yardıma zəng edib. O, rayon xəstəxanasında müayinə olunub, stasionar müalicəyə götürülüb. Həmçinin tibb ekspert onu müayinə edib.
Q.Qəhrəmanov öz müraciətində qeyd edib ki, S.Səmədovun qardaşı İmişli rayon polisinin rəis müavinidir.
Odur ki, bələdiyyə rəhbəri ehtiyat edir ki, araşdırma obyektiv olmayacaq. Zərərçəkəndən ifadəni İmişli polisinin əməkdaşı alıb.
Q.Qəhrəmanovun sözlərinə görə, bundan öncə S.Səmədov telefonla ona hədə-qorxu gəlib və Q.Qəhrəmanov bu barədə rayon prokuroru Pənah Abbasova məlumat verib.
Q.Qəhrəmanov Azərbaycan prezidentindən onun təhlükəsizliyinin təmin olunmasını, bu cinayətin araşdırılmasını, S.Səmədovun və başqalarının cəzalandırılmasını xahiş edir.
Zərərçəkən Turan-ın müxbirilə söhbətində deyib ki, üzündə və bədənində ciddi xəsarət alıb, sol tərəfi keyiyib və hərəkət edə bilmir.
Münaqişənin səbəbləri barədə sualın cavabında Q.Qəhrəmanov deyib ki, S.Səmədov villa tikintisi üçün ona torpaq verilməsini tələb edib. Q.Qəhrəmanov bundan imtina edib, çünki torpaq satışı ancaq hərraclar vasitəsilə həyata keçirilir. Bu, S.Səmədovu acıqlandırıb.
Zərərçəkən qeyd edib ki, ona hətta xəstəxanada da hədə-qorxu gəlirlər, susmasını tələb edirlər, əks halda öldürüləcəyilə hədələyirlər.
İmişli Rayon Polis İdarəsindən şərh almaq mümkün olmayıb.
DİN mətbuat xidmətinin rəhbəri Ehsan Zahidov Turan-a bildirib ki, əgər vətəndaş polis orqanlarına müraciət edərsə onun şikayətinə baxılacaq.
Q.Qəhrəmanov Əfqanıstan və Qarabağ müharibələrinin iştirakçısı, hakim Yeni Azərbaycan Partiyasının üzvüdür.06B--
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz