İmtahan: nəticə yoxsa biabırçılıq?

Tələbə Qəbulu üzrə Dövlət Komissiyası əvvəlki illərin məzunları olan abituriyentlərin ixtisas qrupları üzrə imtahan nəticələrini açıqlayıb.

I ixtisas qrupu üzrə imtahanda 11874 abituriyent iştirak edib. Onlardan cəmi 963 nəfər (8,11% ) 200 və daha yüksək bal toplayıb. 10911 nəfər 0-200 bal intervalında nəticə əldə edib ki, bu da 91.89%  deməkdir. Cəmi 4 nəfər 600-dən yuxarı bal toplaya bilib.

II ixtisas qrupu üzrə imtahanlara 7224 nəfər qatılıb. Bu qrupda imtahanlara qatılanların 1117 nəfəri (15.46 %) 200 və daha yüksək bal toplayıb. 6107 nəfər 0-200 bal intervalında nəticə əldə edib ki, bu da da iştirakçıların 84.54 %-i deməkdir. 2 nəfər 600-dən yuxarı bal toplayıb.

III ixtisas qrupu üzrə imtahana  7812 nəfər qatılıb. İştirakçıların 1934 nəfəri (24.76 %) 200 və daha yüksək bal toplayıb. Beləliklə, 5878 nəfər 0-200 bal intervalında nəticə əldə edib ki, bu da 75,24% deməkdir. Bu qrupda 600-dən yuxarı bal toplayan 10 nəfərdir.

IV ixtisas qrupu üzrə imtahanda 2094 nəfər iştirak edib, onların cəmi 235 nəfəri (11,22%) 200 və daha yüksək bal toplayıb. 1859 nəfər 0-200 bal intervalında nəticə əldə edib ki, 88.78% deməkdir. 600-dən yuxarı bal toplayanlar 10 nəfərdir.-05D-