İntihar cəhdi zamanı ilkin psixoloji yardım müzakirə edilib
Yanvarın 26-da Azərbaycan Səhiyyə Nazirliyi Psixi Sağlamlıq Mərkəzində əhalinin psixi sağlamlıqla bağlı maarifləndirilməsi mövzusunda tədbir keçirilib.
Səhiyyə Nazirliyinin mətbuat xidmətinin məlumatına görə, tədbirdə Azərbaycanda intihar hallarının azalmasının müşahidə edildiyi bildirilib.
“Səhiyyə Nazirliyi bu istiqamətdə zəruri maarifləndirmə işləri həyata keçirir. Bununla əlaqədar olaraq geniş ictimaiyyətin bu mövzuda maarifləndirilməsi mühüm əhəmiyyət kəsb edir”, deyə mətbuat xidməti qeyd edib.
Tədbirdə intihar cəhdləri zamanı ilkin psixoloji yardım üsulları müzakirə edilib.
Səhiyyə Nazirliyinin maarifləndirilməsi mövzusunda tədbiri ölkədə tanınmış psixoloq Dəyanət Rzayevin intihar etməsindən bir gün sonraya təsadüf edir. Psixoloqun intihar etməsi sosial şəbəkələrdə və mediada geniş müzakirələrə və tənqidlərə yol açıb.
Yasamal rayon Prokurorluğunda faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Səhiyyə Nazirliyinin Respublika Psixi Sağlamlıq Mərkəzinin Təcili Psixoloji yardım şöbəsinin müdiri Kəmalə Talıbova tədbirdə bildirib ki, ötən illərlə müqayisədə 2016-cı ildə Azərbaycanda intihar halları cüzi də olsa artıb.
“Belə ki, 2013-cü ildə bu göstərici 415 idisə, 2016-cı ildə bu rəqəm 535 nəfər olub. Təbii ki, statistikadan kənar qalan faktlar da olur”.
Onun sözlərinə görə, uşaqlar arasında intihar halları 2013-cü ildə 18 idisə, keçən il 29 olub. Qadınlar arasında intihar halları kişilərə nisbətən iki dəfə çoxdur.
“Danılmaz faktdır ki, bu gün Azərbaycanda intiharlarla bağlı problemlər yaşanır. İntihar hallarına bütün yaş qruplarında rast gəlinsə də, əsas yaş həddi 18-35-dir. Təbii ki, səbəblər də müxtəlifdir. Buraya psixoloji, sosioloji, bioloji, ailə-məişət faktorları, insanlarda ruh keçidinin olması, genetik problemlərin olması aiddir”, deyə o vurğulayıb. -0-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz