Açiq mənbələrdən foto.
Bakı/20.10.23/Turan: Yevlaxda həkim-stomatoloq Nicat Əjdərli intihar edib.
Bu barədə Turan-a onun qardaşı Samir Əjdərli bildirib. Onun sözlərinə görə, oktyabrın 19-da həkimi Yevlax rayon polis şöbəsinə aparıblar.
"Bundan əvvəl bir neçə ay Hikmət adlı polis işçisi və rəis müavini Elsevər qardaşımdan hər ay 1-2 min manat pul tələb ediblər", - mərhumun qardaşı bildirib.
Hadisə günü iki polis əməkdaşı gəlib Nicat Əjdərlinin yanına gələrək polisə aparıblar. Orada 4-5 saat saxlayıblar. "Mən onun ardınca gedəndə mənə dedilər ki," hörmət" əlaməti olaraq qardaşımı cəmi 1 min manata buraxarlar", - Samir Əjdərli qeyd edib.
Yolda diş həkimi qardaşına deyib ki, ona fiziki və mənəvi təzyiq göstərərək pul tələb ediblər.
Bundan sonra o, evə gedərək intihar edib. Cibinə yazıb qoyub ki, " bağışlayın, mənim canımı boğaza yığdılar", - qardaşı deyib.
İntihardan sonra hüquq-mühafizə orqanları onun yaxınlarını istintaqa cəlb etməyib. Polis onun sərxoş vəziyyətdə maşın sürdüyünə dair protokol tərtib edib. "Ancaq qardaşım polisə maşınla getmədi. Onun avtomobili evin yanında dayanmışdı", - Samir Əjdərli deyib.
Daxili İşlər Nazirliyinin mətbuat xidmətinin Bərdə regional qrupunun rəhbəri Aslan Giyaslı Turan-a bildirib ki, Əjdərlinin ölümü prokurorluq tərəfindən araşdırılır.
Sonradan Daxili İşlər Nazirliyinin mətbuat xidməti məlumat yayıb ki, oktyabrın 18-də saat 15:30-da Nicat Raqif oğlu Əjdərli narkotik vasitələrin təsiri altında avtomobil idarə etməsilə əlaqədar polisə dəvət olunub və orada narkoloq-həkim tərəfindən müayinə edilib.
"Tibbi müayinə zamanı müəyyən edilib ki, o, sərxoş vəziyyətdə avtomobili idarə edib, bununla əlaqədar inzibati xəta haqqında protokol tərtib edilib və o buraxılıb.
Yuxarıda göstərilənləri nəzərə alaraq, ölüm səbəblərilə bağlı iddialar hüquqi əsası olmayan şəxsi mülahizələrdir".
Baş Prokurorluğun mətbuat xidmətindən şərh almaq mümkün olmayıb. 06B
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz