İyulun 21-də saat 11-də Bakı Apellyasiya Məhkəməsində hüquq müdafiəçiləri İntiqam Əliyev və Rəsul Cəfərovun Bakı Ağır Cinayətlər Məhkəməsinin hökmündən verilmiş şikayətlərinə baxılacaq.
Bakı Apellyasiya Məhkəməsində Hüquq Maarifçiliyi Cəmiyyətinin sədri, hüquq müdafiəçisi İntiqam Əliyev barəsindəki hökmdən verilmiş apellyasiya şikayəti üzrə ilkin baxış iclası iyulun 6-da olub. Məhkəmə İntiqam Əliyev barəsində seçilmiş həbs-qətimkan tədbirinin dəyişdirilərək, girov və ya ev dustaqlığı qətimkan tədbiri ilə əvəzlənməsi və apellyasiya şikayətinə məhkəmə istintaqı ilə baxılması barədə vəsatətləri təmin etməyib.
İntiqam Əliyev 8 avqust 2014-cü ildə həbs edilib. Ona qarşı Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə), 192.2-ci (qanunsuz sahibkarlıq) və 179.3.2-ci (mənimsəmə və ya israf etmə) maddələri ilə ittiham elan edilib.
Aprelin 22-də Bakı Ağır Cinayətlər Məhkəməsinin hökmü ilə İ.Əliyevə 7 il 6 ay həbsə məhkum edilib.
O, ittihamıarı qəbul etmir, həbsinin siyasi sifariş olduğunu bəyan edib.
“Amnesty İnternational” İ.Əliyevi “vicdan məhbusu” elan edib.
Rəsul Cəfərov 2014-cü il avqustun 2-də həbs olunub. Ona qarşı Cinayət Məcəlləsinin 192 (qanunsuz sahibkarlıq), 213 (vergi ödənişindən yayınma) və 308-ci (vəzifə səlahiyyətindən sui-istifadə) maddələri ilə ittiham irəli sürülüb.
“Amnesty International” təşkilatı onu “vicdan məhbusu” elan edib.
Hökmdən sonra R.Cəfərov onun saxta, siyasi sifarişli olduğunu bildirib. -03B-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz