Həbsdə olan hüquq müdafiəçisi İntiqam Əliyevin səhhətində ciddi problemlər var. Hüquq müdafiəçisinin qızı Nərminin Turan-a verdiyi məlumata görə, atası bu gün zəng edib və bildirib ki, hələ də Ədliyyə Nazirliyinin Tibb Müəssisəsinə yerləşdirilməyib və onu kamerada müalicə edirlər.
Onurğasında olan problemlərlə əlaqədar o, ayaq üstdə dayana bilmir. Buna görə iki həftədir o, doğmaları ilə görüşə bilmir. Yalnız bu gün vəkilləri ona baş çəkə bilib, amma görüş qısa olub, çünki o, otura bilmirdi.
Hüquq müdafiəçisi həmçinin bildirib ki, 20 gündən çoxdur ona “Azadlıq” qəzeti vermirlər və bütün məktublarını müsadirə edirlər.
Turan-ın Ədliyyə Nazirliyinin Baş Tibb İdarəsindən şərh almaq cəhdi nəticə verməyib.
Öz növbəsində, ombudsman aparatı bildirib ki, İşgəncələrin qarşısının alınması üzrə Milli Preventiv Qrupun üzvləri mayın 21-də Bakı İstintaq Təcridxanasında monitorinq aparıblar. Onlar İntiqam Əliyev, Leyla Yunus, Xədicə İsmayılova, Rəsul Cəfərov və başqaları ilə görüşüblər.
Fərdi söhbətlər zamanı onlar saxlanma şəraitindən və davranışdan şikayət etməyiblər, deyə ombudsmanın mətbuat xidməti iddia edir.
* İntiqam Əliyev 8 avqust 2014-cü il tarixində həbs edilib, bu il aprelin 22-də isə o, iqtisadi cinayətlər ittihamı ilə 7,5 il müddətinə azadlıqdan məhrum edilib. Lakin hüquq müdafiəçisinin təqsiri nə istintaqda, nə məhkəmədə sübuta yetirilməyib, ittihamlar isə siyasi motivli olub. Amnesty İnternational Əliyev “vicdan məhbusu” kimi tanıyıb. -16D06-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz