Fevralın 20-də səhər saatlarında Türkiyənin İqdır bölgəsində Naxçıvanla Türkiyənin Dilucu sərhəd məntəqəsinin yaxınlığında Naxçıvan-İstanbul və İstanbul-Naxçıvan reysi ilə işləyən iki avtobus toqquşub.
Iqdır valisi Əhməd Turqay Alpman “Hürriyyət” qəzetinə bildirib ki, ilkin məlumata görə, avtobuslarda olan sərnişinlərdən 5 nəfər hadisə yerində, 1 nəfər isə xəstəxanada ölüb, 16 nəfər yaralanıb.
Naxçıvandakı mənbələrin məlumatına görə, yol qəzasında 11 nəfər həlak olub, 20 nəfər müxtəlif dərəcəli bədən xəsarəti alıb. Ağır vəziyyətdə olan yaralılar İqdır xəstəxanasına yerləşdirilib. Xəsarət alanlar arasında Azərbaycan vətəndaşları çoxdur, amma dəqiq say məlum deyil.
Həlak olanlar arasında hər iki avtobusun sürücüsü və onların köməkçiləri də var. Onlar Türkiyə vətəndaşlarıdır.
Naxçıvandan gedən avtobus «Metro», digəri isə «İqdır turizm» şirkətlərinə məxsus olub.
Hadisə yerinə çoxsaylı təcili tibbi yardım heyəti cəlb olunub. -03B06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz