İran məhkəməsinin azərbaycanlı şairlərin işi üzrə qərarı sentyabrda elan olunacaq
Məhkəmənin Azərbaycan şairləri Fərid Hüseyn və Şəhriyar Hacızadənin işi üzrə qərarı 15-20 gün sonra veriləcək. Bu barədə Azərbaycanın Təbrizdəki konsulluğunun nümayəndələrinə prosesi aparan hakim bildirib, deyə Azərbaycan XİN-in mətbuat katibi Elmar Abdullayev bugünki brifinqdə bildirib.
Maraqlıdır ki, mayın 2-dən həbsdə olan Azərbaycan şairlərinin hələ də vəkili yoxdur. İran tərəfi faktiki olaraq onlara vəkil verməkdən imtina edir. Abdullayevin sözlərinə görə, İran hakimiyyəti indiyədək gənc şairlərin nədə ittiham olunduğunu elan etməyib.
Xatırladaq ki, Fərid Hüseyn və Şəhriyar Hacızadə aprelin sonlarında İranlı həmkarlarının dəvəti ilə ədəbi məclisin təqdimatında iştirak etmək üçün İrana gediblər. Tehrandan qayıdarkən onlar Təbrizdə saxlanılıblar. Onlara qarşı hələ də rəsmi ittiham irəli sürülməyib, həbslərinin səbəbləri barədə rəsmi izahat verilməyib.
Məhkəmə bir neçə həftə əvvəl başlayıb, amma İran hakimiyyətinin şairlərdən nə istədiyini aydınlaşdırmayıb. -06С-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz