Bakı/18.03.19/Turan: Azərbaycandan tranzit keçməklə Gürcüstana gedən avtomobildə 306 kq-dan çox heroin aşkar edilib. Bu barədə ölkənin Gömrük Komitəsinin martın 18-də yaydığı məlumatda deyilir.
Sənədlərə əsasən, yük maşını İranın "Nader Morvarıd Astara" şirkətinin Gürcüstanda "Marıana Younes Saeı Dızajyekan" şirkətinin ünvanına göndərdiyi daş bloklar daşıyırdı.
Biləsuvar gömrük postunda maşın rentgen qurğusundan keçirilərkən 45 blokda ümumi çəkisi 45 kq-da çox olan ağ sellofan paketlərdə heroin aşkar edilib. Yük maşınını İran vətənda
şı Azızıkoshkı Majıd Hassan idarə edirdi.
Məlumatda deyilir ki, yük maşını təkrar yoxlamaq məqsədilə idxal xəttinə yönləndirilib. Amma sürücü hərəkəti davam etdirib və şlaqbaumu sındıraraq İran tərəfə keçib.
Bundan sonra İran vətəndaşı İmanı Rouhollah Alıakbarın idarə etdiyi başqa bir yük maşınında daş bloklar yoxlanılıb. Bu maşında 161 daş blokda 264 kq heroin aşkar edilib.
İki yük maşınında narkotiklərin ümumi çəkisi 306 kq 710 qram təşkil edib. "Qara bazarda" onun dəyəri 21,5 milyon manat təşkil edir. Faktla bağlı araşdırma aparılır, deyə məlumatda bildirilir. -02D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz