Fərid Səfərli
Bakı/02.06.23/Turan: İranda casusluq ittihamı ilə həbs edilən Azərbaycan vətəndaşı Fərid Səfərlinin anası Dilarə Əsgərova Azərbaycan prezidenti İlham Əliyevə və birinci vitse-prezident Mehriban Əliyevaya müraciət edərək oğlunun azad edilməsinə köməklik göstərilməsini xahiş edib.
Əsgərovanın Facebook hesabında yayımlanan müraciətdə deyilir: “ İrana dostunu görməyə gedən oğlum Fərid Səfərlidən üç aydır ki, xəbər ala bilmirəm. Dunən Azərbaycan Xarici İşlər Nazirliyi mənə ünvanladığı məktubda oğlumun İranda casusluq ittihamı ilə saxlanıldığını bildirib. Mən bu ittihamı rədd edirəm. Duşunurəm ki, Fərid iki olkə arasındakı konfliktin qurbani olub”, - müraciətdə qeyd edilir.
“Mehriban xanim, Fərid ADA Universitetində sizin oğlunuz Heydərlə tələbə yoldaşı olub. Siz bir ana kimi məni daha yaxşı başa düşərsiniz”, - Əsgərova yazıb.
O, İlham Əliyevə müraciət edərək yazır: “Cənab prezident, Fərid İranda mudafiəsiz qalıb. Onun vəkillə təmin olunmasına, mənim onunla görüşməyimə imkan yaradılması üçün kömək etməyinizi xahiş edirəm. İnanıram ki, siz Azərbaycan dovləti adina Fəridi mudafiə edəcəksiniz və ailəsinə qovuşmasına nail olacaqsınız”.
Öz növbəsində, Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə Turan agentliyinin sorğusuna cavab olaraq bildirib ki, xarici siyasət idarəsi Azərbaycan vətəndaşının İranda yoxa çıxması barədə məlumat aldıqdan dərhal sonra martın 9-da İranın Bakıdakı səfirliyinə nota göndərib.
“Çoxsaylı müraciətlərdən sonra, İran tərəfi notamıza cavab olaraq Fərid Səfərlinin həbs olunaraq ona qarşı cinayət işi başladıldığını bildirib. Bu barədə Səfərlinin ailəsinə müvafiq məlumat verilib. Yanvarın 27-də Azərbaycan səfirliyinə qarşı törədilmiş məlum terror hadisəsilə əlaqədar Azərbaycanın İrandakı diplomatik nümayəndəliyinin məhdud olmasına baxmayaraq, Xarici İşlər Nazirliyi və Təbrizdəki Baş Konsulluq İranın müvafiq qurumları ilə müzakirələr aparır və Səfərliylə əlaqə saxlayır”, - Hacızadə deyib.
“Azərbaycanın Təbrizdəki Baş konsulluğu Fərid Səfərliylə görüş üçün tədbirlər görür”, - Hacızadə qeyd edib.
Xatırladaq ki, Fərid Səfərli Almaniya universitetlərindən birinin tələbəsidir. Fevralda tələbə dostunun dəvətilə İrana gedib. Bir neçə gündən sonra onunla əlaqə kəsilib. 05B06
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz