![Açiq mənbələrdən foto.](https://turan.az/resized/media/2023/main/031400059808-750-500-resize.webp)
Açiq mənbələrdən foto.
İranla sərhəddə 24 kiloqramdan çox narkotik maddə götürülüb
Bakı/14.03.23/Turan: Son sutka ərzində "Göytəpə" və "Lənkəran" sərhəd dəstələrinin əməkdaşları İrandan 24 kiloqramdan çox narkotik maddə qaçaqmalçılığının qarşısını alıblar, - martın 14-də Dövlət Sərhəd Xidməti bildirib.
Martın 13-də Azərbaycan vətəndaşı Novruz Dadaşov Yardımlı rayonunun Deman kəndi yaxınlığında dövlət sərhədini pozmağa cəhd edərkən saxlanılıb. Onun üzərində 6 kiloqrama yaxın narkotik maddə aşkar edilərək götürülüb.
Martın 14-də Astara rayonunun Ərçivan kəndi yaxınlığında İran tərəfdən sərhədi pozanlar nəzərə çarpıb. Əməliyyat tədbirləri nəticəsində Bakı sakinləri Kamil Həsənov və Novruz Mirzəyev saxlanılıb, onlar rayondan maşınla çıxmağa çalışıblar. Avtomobilə baxış zamanı ümumi çəkisi 18 kiloqramdan çox olan narkotik maddələ qablaşdırması aşkar edilərək götürülüb, məlumatda deyilir.
Hər iki halda aşkar edilmiş narkotik maddələrin adları açıqlanmır. 0
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz