Açiq mənbələrdən foto.
Bakı/21.12.22/Turan: Dövlət Gömrük Komitəsinin (DGK) və Dövlət Sərhəd Xidmətinin (DSX) 2022-ci il dekabr ayının 20-də keçirilmiş birgə əməliyyat-axtarış tədbirləri nəticəsində "Şahtaxtı" dövlət sərhədindən buraxılış məntəqəsində 1966-cı il təvəllüdlü İran vətəndaşı, Azizmohammad Mahmoud Najiollahın idarə etdiyi "DAF" markalı XB389BX dövlət qeydiyyat nişanlı yük avtomobili saxlanılıb. Bu barədə Dövlət Sərhəd Xidmətinin dekabrın 21-də yaydığı məlumatda deyilir.
Yük avtomobilinə gömrük əməkdaşları ilə birlikdə keçirilmiş baxış zamanı 37,4 kiloqram marixuanaya bənzər narkotik vasitə aşkar edilib.
Fakt üzrə hər iki dövlət qurumu tərəfindən əməliyyat-istintaq tədbirləri davam etdirilir.
Dekabr ayının 17-də gecə isə DSX və DGK əməkdaşları ilə birlikdə həyata keçirilmiş əməliyyat zamanı Cəlilabad rayonunun Dələli kəndi yaxınlığında yerləşən sərhəd zastavasının xidməti ərazisində İrandan Azərbaycan istiqamətində dövlət sərhədini pozmuş 3 nəfər Əfqanıstan vətəndaşları saxlanılıb.
Məlumata görə, bu şəxslər Azərbaycan ərazisindən tranzit yolla istifadə edərək Avropa ölkələrindən birinə qanunsuz miqrasiya etmək istəyiblər. 05D
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz