Bakı/17.12.18/Turan: Son günlər Dövlət Sərhəd Xidməti və Dövlət Təhlükəsizlik Xidməti bir neçə halda İrandan Azərbaycana narkotik maddə gətirilməsinin qarşısını alıb.
Dövlət Sərhəd Xidmətinin mətbuat mərkəzinin məlumatına görə, dekabrın 12-də "Astara" dövlət sərhədindən buraxılış məntəqəsində İran vətəndaşı Naza Bargikaninin üzərindən 320 qram heroin aşkar olunaraq götürülüb. Narkotik vasitənin sifarişçisi qismində isə Bakı şəhər sakinləri Kazım Səfərov və Elyaz Nəsirov saxlanılıb.
Dekabrın 13-də "Horadiz" sərhəd dəstəsinin Beyləqan rayonu Əhmədli kəndi ərazisində İrandan Azərbaycan istiqamətində dövlət sərhədini pozmuş Azərbaycanın Bərdə rayon sakini Tələt Cəfərov və Ağcabədi rayon sakini Namiz Quliyev 2270 qram narkotik maddə olan "marixuana" ilə saxlanılıb.
Bundan başqa, dekabrın 13-də Dövlət Sərhəd Xidməti və Dovlət Təhlkəsizlik Xidməti Yardımlı rayonu ərazisində "Mersedes" markalı avtomobilə baxış keçirərkən salonda 1145 qram narkotik maddə olan "heroin" aşkar edərək götürüb. Avtomobildə olan Azərbaycan vətəndaşları Şəmkir rayon sakini Vüsal Əlizadə, Mingəçevir şəhər sakini Elçin Soltanov və Sumqayıt şəhər sakini Hüseyn Hüseynov saxlanılıb. -0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz