İranla sərhəddə növbəti insident ölümlə nəticələnib
Bakı/25.11.19/Turan: Noyabrın 23-də Azərbaycan-İran sərhəddində sərhəddi pozan İran vətəndaşı öldürülüb.
Azərbaycan Dövlət Sərhəd Xidmətinin məlumatına görə, insident noyabrın Füzuli rayonunun Böyük Bəhmənli kəndi yaxınlığında baş verib.
Azərbaycanın dövlət sərhəddini pozan 2 nəfər naməlum şəxs sərhədçilərə atəş açıb.
Azərbaycan sərhədçiləri silah tətbiq edərək sərhəd pozucularından birini zərərsizləşdirib. Digər sərhəd pozucusu İran ərazisinə qaçıb.
“İran sərhəd nümayəndəsinin iştirakı ilə hadisə yerinə baxış keçirilərkən aldığı güllə yarasından hadisə yerində ölmüş sərhəd pozucusunun İran vətəndaşı olması müəyyən edilib”,- məlumatda deyilir.
Hadisə yerindən ümumi çəkisi 2595 qram marixuana və metafetamin aşkarlanıb.
Azərbaycan sərhədlərində ən çox silahlı insident İranla sərhəddə qeydə alınır. Azərbaycana qaçaqmalçılıq yolu ilə gətirilən narkotik maddələrin əksəriyyəti İran ərazisilə daşınır. Hüquq- mühafizə və gömrük orqanları İrandan Azərbaycana qaçaqmalçılıq yolu ilə gətirilən və Avropa ölkələrinə daşınması nəzərdə tutulan tonlarla narkotik vasitə tutub, onlarla insanı saxlayıb.
Bu il İranla sərhəddə silahlı insident zamanı bir neçə nəfər ölüb və ya yaralanıb. Azərbaycan sərhədçiləri tərəfindən də zərərçəkənlər olub. -03B-
-
- Cəmiyyət
- 25 Noyabr 2019 11:59
-
- İqtisadiyyat
- 25 Noyabr 2019 12:45
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz