Bakı/25.11.19/Turan: Leysan yağışları nəticəsində bu gecə Bayıl yamacında böyük sürüşmə baş verib və bu, Bakıya cənub tərəfdən girişdə avtomobil yolunun dağılmasına səbəb olub.
Hadisə “Bibiheybət” məscidinin yaxınlığındakı hissədə baş verib.
Avtomobil Yolları Dövlət Agentliyinin mütəxəssisləri bir neçə çat qeydə alıblar. Bu barədə qurumun mətbuat xidmətinin rəhbəri Anar Nəcəfli bildirib.
Ötən gün axşam çatlar çoxalıb. Ona görə də noyabrın 24-də saat 19.20-də yol bağlanıb. Bu gün səhər isə sürüşmə baş verib.
Sürüşmə yolun 100 metr uzunluqda olan hissəsini dağıdıb, bir hərəkət zolağı tamamilə dağılıb.
A.Nəcəfli sürüşmənin nəticələrinin nə zaman aradan qaldırılacağı və nəqliyyatın hərəkətinin nə zaman bərpa ediləcəyi barədə sualları cavablandırmağa çətinlik çəkib.
Mümkün tələfat barədə hələlik rəsmi məlumat yoxdur. 06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz