İsa Əzizov yalnız polisə tabe olmamaqda ittiham olunur

Bakı Apellyasiya Məhkəməsi bu gün İsa Əzizovun inzibati həbsi ilə bağlı şikayəti təmin etməyib.

Bakı Apellyasiya Məhkəməsindən Turan-a verilən məlumata görə, Əzizov İnzibati Xətalar Məcəlləsinin 310-cu (polisə tabe olmama) maddəsi ilə inzibati məsuliyyətə cəlb edilib.

Beləliklə, cinayət əməli olan bir insanı amansızca döyməsinə baxmayaraq, Əzizov yalnız inzibati məsuliyyətə cəlb olunub.

Maraqlıdır ki, 23 yaşlı Şərur rayon sakini Əzizov 2012-ci ildə artıq soyğunçuluq ittihamı ilə 3,5 il müddətinə azadlıqdan məhrum edilib, amma vaxtından əvvəl azad edilib.

Əzizov Dövlət İqtisad Universitetinin tələbəsidir. -06D-

* * *

Yanvarın 27-nə keçən gecə Bakıda YDM mühafizəçisinin sərxoş idmançılar tərəfindən vəhşicəsinə döyülməsi haqqında səs-küyə səbəb olmuş hadisə yeni qalmaqal doğuran təfsilatı ilə böyüməyə davam edir.

İlk növbədə, xuliqanlardan biri Bakı polisinin keçmiş şefi, hazırda dövlət başçısının hərbi məsələlər üzrə köməkçisi olan Məhərrəm Əliyevin və deputat Adil Əliyevin qohumu çıxıb.

DİN-in məlumatına görə, xuliqanlar saxlanılıb və araşdırma başlayıb. Daha sonra məlum olub ki, Nəsimi rayon məhkəməsi onları xuliqanlığa görə 30 gün müddətinə həbs edib, baxmayaraq ki, açıq-aşkar cinayət xarakterli əməllər – qəsdən sağlamlığa ziyan vurma göz önündədir.

Bu qərarı çıxaran hakim Elman İsayev öz qərarını Turan-a şərh etməkdən imtina edib, telefonla məlumat vermədiyini bildirib.

DİN-in mətbuat xidmətinin nümayəndələri telefon zənglərinə cavab vermir. -06D-