Azərbaycanda siyasi məhbusların ilkin siyahısı üzrə “166” kimi tanınan işçi qrup öz tərkibinin genişləndirilməsi barədə qərar qəbul edib.
166 siyasi məhbusdan ibarət siyahı 2016-cı il oktyabrın 18-də qrupun üç təsisçisi – hüquq müdafəçiləri Leyla Yunus, Elşən Həsənov və Oqtay Gülalıyev tərəfindən elan edilib və vətəndaş cəmiyyətinin tanınmış nümayəndələri tərəfindən dəsləklənib.
Qrupun şənbə günü keçirilən iclasında Oqtay Gülalıyev, Elşən Həsənov, Əvəz Zeynallı, Hilal Məmmədov, Rövşən Əhmədov, Eldəniz Quliyev, Mehman Əliyev iştirak ediblər. Mühacirətdə olan hüquq müdafiəçisi Leyla Yunus və Göyçaydan hüquq müdafiəçisi Taleh Xasməmmədov qiyabi olaraq görüşə qatılıblar.
İşçi qrupun tərkibinin genişləndirilməsi barədə yekun qərar yanvarın sonlarında qəbul ediləcək. O vaxta qədər vətəndaş cəmiyyəti fəalları və jurnalistlərin son həbsləri ilə əlaqədar siyasi məhbusların siyahısının genişləndirilməsi ilə bağlı təkliflər hazırlanacaq.
“Hakimiyyətin vətəndaş cəmiyyətinə son hücumları, yeni həbslər, etirazçı elektoratın barəsində məhkəmə hökmləri ilə əlaqədar syasi zorakılığa qarşı mübarizəyə vətəndaşların daha geniş spektrinin cəlb edilməsi zərurəti yaranıb”, - Siyasi Məhbuslarsız Azərbaycan İctimai Alyansının koordinatoru Oqtay Gülalıyev bildirib.—0—
Cəmiyyət
-
Dekabrın 10-da Beynəlxalq İnsan Hüquqları Günü qeyd olunacaq. Azərbaycanda belə bir gün ərəfəsində hüquq müdafiəçisi Rüfət Səfərov həbs olunub. Dekabrın 4-də Binəqədi rayon Məhkəməsində onun barəsində 4 aylıq həbs-qətimkan tədbiri seçilib. Rəsmi ittiham dələduzluq, xuliqanlıq və az ağır xəsarət yetirmə olsa da, R.Səfərov bu iddiaları qəbul etmir və həbsini öz hüquq müdafiə fəaliyyəti ilə əlaqələndirir.
-
Cümə günü paytaxtda və Abşeronda yağış yağacağı gözlənilir, axşama doğru intensiv olacaq. Şimal-qərb küləyi əsəcək. Havanın temperaturu gecə müsbət 5 +7, gündüz müsbət 8 + 11 dərəcə olacaq. Rütubət 80-85 faiz olacaq.
-
Gələn il dəfn üçün birdəfəlik sosial müavinətin 960 manat olması proqnozlaşdırılır. Bu, 2025-ci il üçün büdcə zərfində əksini tapıb. Lakin sözügedən müavinət hamıya şamil edilmir. Mövcud olan qaydalara görə, dəfn üçün müavinət sığortaolunan və ya əmək pensiyaçısı vəfat etdikdə məcburi dövlət sosial sığorta haqları hesabına verilir.
-
Cümə axşamı Bakıda və Abşeron yarımadasında hava şəraiti dəyişkən buludlu, əsasən yağmursuz olacaq. Axşam arabir yağış yağacağı gözlənilir. Şimal-qərb küləyi əsəcək. Havanın temperaturu gecə 5-8 dərəcə isti, gündüz 8-11 dərəcə isti olacaq. Nisbi rütubət 70-80 % olacaq.
Rəy yaz