![Vəkil NİDA üzvünə bəraət istəyir](https://turan.az/resized/750/500/resize/media/2017/main/011400180386.jpg)
Vəkil NİDA üzvünə bəraət istəyir
NİDA Vətəndaş Hərəkatının üzvü Bayram Məmmədovun barəsində olan hökmdən verilən apellyasiya şikayəti üzrə məhkəmə yanvarın 18-nə təyin edilib. Bu haqda Turana B.Məmmədovun vəkili Elçin Sadıqov bildirib.
Onun sözlərinə görə, Bakı Apellyasiya Məhkəməsində şikayətə hakim Həsən Əhmədovun sədrliyi ilə baxılacaq.
E.Sadıqov B.Məmmədov barəsində Bakı Ağır Cianyətlər üzrə Məhkəməsinin 10 il müddətinə azadlıqdan məhrum edilməsi qərarından Apellyasiya şikayəti verildiyini deyir:
“Bu qərar əsassız və qanunsuzdur, B.Məmmədov cinayət törətməyib, məhkəmə istintaqı zamanı da onun cinayət törətməməsi sübuta yetirilib. B.Məmmədov heykəlin üzərinə şüar yazmağa görə həbs edilib.Amma bununla belə azadlıqdan məhrum edilməsi haqda qərar çıxaılırıb”.
E. Sadıqov deyib ki, şikayətdə B.Məmmədova bəraət verilməsi xahiş edilib.
Qeyd edək ki, NİDA Vətəndaş Hərəkatının üzvü B.Məmmədov mayın 10-da saxlanıb. Ona qarşı Cinayət Məcəlləsinin 234.4.1-ci (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə) və 234.4.3-cü (külli miqdarda törədildikdə) maddələri ilə ittiham olunub. Rəsmi məlumata görə, onun üzərindən və evindən ümumilikdə 2 kq-dan artıq heroin götürülüb.
Məhkəmə prosesində B.Məmmədov ona sürülən ittihamlarla razılaşmadığını və günahsız olduğunu bildirib.
Bakı Ağır Cinayətlər Məhkəməsinin hökmü ilə isə B.Məmmədov 10 il müddətinə azadlıqdan məhrum edilib. Hökmdən narazı qalan B.Məmmədov apellyasiya şikayəti verib.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz