İşdən çıxarılan tərbiyəçinin incikliyi olmasaydı, Kids Studio-da uşaqları hələ çox �silkələyəcəkdilər�

Kids Studio özəl uşaq bağçasının direktorundan incik düşən keçmiş tərbiyəçi uşaqlarla amansız rəftarın əks olunduğu video- qeydləri Azxeber.com saytına təqdim edib. Məlum olub ki, Azərbaycanda dövlətin lisenziyası olmadan uşaq müəssisələri fəaliyət göstərir. Nazirlər Kabinetinin qaydaları tələb edir ki, uşaq bağçalarının sahibləri ASAN Xidmətdən lisenziya alsınlar. O da uşaq bağçası üçün ayrılan yerin keyfiyyət normalarına, sanitar-gigiyenik şəraitə və digər parametrlərə uyğunluğunun təsdiqlənməsi üçün Təhsil Nazirliyinə müraciət edir. Lakin Təhsil Nazirliyinin ictimaiyyətlə əlaqələr sekrorunun rəhbəri Cəsarət Vəliyev bildirib ki, Kids Stiduo üçün lisenziya ilə bağlı Təhsil Nazirliyinə müraciət edilməyib.

Uşaqlarla amansız davranışla bağlı video:

Lisenziya verilməsi üçün C.Vəliyevin sadaladığı şərtlərin sırasında peşə hazırlığı, profil üzrə staj və uşaq bağçası işçisi təhsilinin olması kimi tələblər yoxdur.

İyun ayında baş vermiş qalmaqaldan sonra Kids Studio-nun sahibi N.Müseyibova günahkar əməkdaşın (uşaqları döyməyib, silkələyib) işdən çıxarıldığını, sonra isə uşaq bağçasının işinin dayandırıldığını elan edib. Belə çıxır ki, əgər keçmiş işçi video-qeydləri təqdim etməsəydi, "obyekt" öz işinə, işçilər də uşaqları döyməyə davam edəcəkdilər?

N.Müseyibova baş verənlərə görə öz məsuliyyəti barədə heç nə deməyib, ancaq video-qeydləri yayanı günahlandırıb: "qadın oğurluğa görə uşaq bağçasından çıxarılıb və intiqam alıb"...

Bu qalmaqal məktəbəqədər tərbiyə müəssisələrində nəzarətsiz bir atmosferin olduğunu ortaya qoydu: C.Vəliyev bildirir ki, Təhsil Nazirliyinin özəl uşaq bağçalarının işini yoxlamağa və nəzarət etməyə ixtiyarı yoxdur. Çünki bu müəssisələr ancaq rayon icra hakimiyyəti orqanlarına tabedir.

Nəzarət rayon İcra hakimiyyətlərinə verildikdən sonra həmin uşaq bağçalarında özbaşınalıq, xidmət haqları artıb. Psixoloji durumu normal olmayan şəxsləri uşaq bağçasına işə qəbul edirlər, Kids Studio-da olduğu kimi, - hüquq müdafiəçisi Əvəz Həsənov hesab edir.

Kids Studio Bakının Yasamal rayonu ərazisində yerləşir. Ancaq məlum olub ki, rayon İH uşaq bağçasının işinə müdaxilə edə bilməz, çünki bu, özəl müəssisədir, ancaq Bakı Şəhər İcra Hakimiyyəti yoxlaya bilər", - rayon hakimiyyətindən Report.az-ın sualına cavab olaraq bildiriblər. Bakı Şəhər İcra Hakimiyətindən isə bildirilib ki, onlar ancaq dövlət uşaq bağçalarını yoxlayırlar: "Özəl uşaq bağçaları Təhsil Nazirliyinə tabedir. Məhz buna görə İcra Hakimiyyəti özəl uşaq bağçalarına lisenziya vermir", - Bakı İH-dən açıqlama veriblər. Məsuliyyətsizlik dairəsi qapanıb.

Ailə, Qadın və Uşaq Məsələləri üzrə Dövlət Komitəsindən açıqlama: özəl uşaq bağçalarına sertifikat Təhsil Nazirliyində verilir. Kids Studio-da baş verənlər Dövlət Komitəsində araşdırılır. Bundan sonra qərar qəbul ediləcək. Məktəbəqədər uşaq müəssisəsinin hara tabe olmasından asılı olmayaraq, onun əməkdaşları uşaqlarla amansız rəftara görə qanun qarşısında cavabdehdir və hüquq-mühafizə orqanları tərəfindən məsuliyyətə cəlb edilə bilər.

Azərbaycanın dövlət və özəl uşaq bağçalarında tərbiyə, saxlanma şəraiti və qida ilə bağlı nöqsanlar haqda çox danışılıb. Şərait nə qədər pis olsa da valideynlər övladlarını uşaq bağçalarına verməyə məcburdur, çünki işləməyə məcburdur. Üstəlik, Təhsil Nazirliyinin tətbiq etdiyi qaydaya görə, ümumtəhsil məktəblərinin birinci sinfinə uşaq bağçalarında birillik tədris keçənləri qəbul edirlər. 2018-ci ilin mayında Milli Məclis "Təhsil haqqında" qanuna dəyişiklik edib. Dəyişikliyə görə, uşaq bağçalarına uşaqlar üç yaşından yox, bir yaşından qəbul ediləcək.