Мубариз Гурбанлы
Bakı/27.09.18/Turan: Azərbaycanın orta məktəb məzunları təkcə islam deyil, digər dinlər haqqında da biliklərə malik olmalıdırlar. Bu məqsədlə təhsil proqramlarına dəyişikliklər ediləcək. Bu barədə Azərbaycanın Dini Qurumlarla İş üzrə Dövlət Komitəsinin sədri Mübariz Qurbanlı dövlət KİV-lərinə müsahibəsində bildirib.
Eyni zamanda, o qeyd edib ki, hazırda Bakıda və ölkənin regionlarında islam kolleclərinin yaradılması üzrə işlər həyata keçirilir.
"Qafqaz Müsəlmanları İdarəsi ilə danışıqlar aparılır, onlar yekunlaşdırıldıqdan sonra kolleclər İlahiyyat İnstitutu nəzdində fəaliyyətə başlayacaq. Kollecləri uğurla bitirən tələbələr İlahiyyat İnstitutunda təhsili davam etdirəcəklər", deyə Qurbanlı bildirib.
Qeyd edək ki, İlahiyyat İnstitutu 2018-ci ilin aprelində DQİDK nəzdində yaradılıb. O, faktiki olaraq Qafqaz Müsəlmanları İdarəsi nəzdindəki Bakı İslam Universitetini əvəz edəcək. Bu il bu universitetə qəbul dayandırılıb.
Qurbanlının islam kolleclərinin İlahiyyat İnstitutu nəzdində fəaliyyət göstərəcəyi haqqında bəyanatı dövlətin dini təhsili öz nəzarəti altına götürəcəyi, QMİ-ni bu sahədən sıxışdıracağı barədə ehtimalları təsdiq edir. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz