Bakı/27.09.18/Turan: Saat 18-də RF prezidenti Vladimir Putin Bakıdan Düşənbəyə yola düşüb. Bundan əvvəl o, prezident İlham Əliyevlə bir saatlıq təkbətək görüş keçirib. Görüş çay masası arxasında davam edib. Mətbuat üçün heç bir bəyanat verilməyib.
Bu danışıqlardan əvvəl Putin Rusiya-Azərbaycan Regionlararası Forumunun iştirakçılarına bildirib ki, o, ikitərəfli münasibətlər haqqında danışmağı vacib sayır. "Biz hələ Soçidə qeyd etmişdik ki, iqtisadiyyat və digər sahələrdə münasibətlər müsbət şəkildə inkişaf edir, indi sizin Rusiyaya səfəriniz zamanı qarşılıqlı fəaliyyətimizə verilmiş təkan və sizinlə imzaladığımız sənədlər çox vacibdir, bu təkanın və bu sənədlərin puç olmaması vacibdir", deyə Putin bildirib.
O qeyd edib ki, ikitərəfli görüşdə də bu barədə danışmaq niyyətindədir. Öz növbəsində, Əliyev qeyd edib ki, forumun rekord sayda iştirakçısı olub, Rusiya Azərbaycan üçün mühüm və dəyərli tərəfdaşdır. "Düşünürəm ki, qarşıdakı illərdə də biz əməkdaşlığı genişləndirəcəyik", deyə Əliyev bildirib. -02D-
Siyasət
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
-
"Gürcüstanda qara bazar ertəsi: polis və xüsusi təyinatlıların qoruduqları qapıların arxasında “Gürcü Arzusunun kölələri" bizim Konstitusiyamızı məhv edir və parlamentimizi təhqir edirlər". Bazar ertəsi Gürcüstan prezidenti Salome Zurabişvili müxalifəti tanımayan yeni çağırış parlamenti belə şərh edib.
Rəy yaz