12 saylı cəzaçəkmə müəssisəsində həbs cəzası çəkən İslam Partiyasının lideri Mövsüm Səmədov martın 6-da beş günlük karserə salınıb. Buna səbəb "antisanitariya şəraitinin yaradılması və məhbusların yataqxanasında namaz qılması" olub. Cəzaçəkmə müəssisəsinin rəhbərliyi vəkil Yalçın İmanova belə deyib.
İmanov bu gün cəzaçəkmə müəssisəsində Səmədova baş çəkib. O bildirib ki, daxili rejim qaydalarını pozmayıb. Son dörd ayda Səmədov artıq üç dəfə karserə salınıb, bundan əvvəl isə 2 il Qobustan ciddi rejimli cəzaçəkmə müəssisəsində keçirib.
Bütün bu əməllər hüquqi əsaslardan məhrumdur. Səmədov hesab edir ki, bu tədbirlərin məqsədi onu yenidən Qobustan həbsxanasına qaytarmaq üçün bəhanə tapmaqdır. Penitensiar Xidmətdən bu məsələ ilə bağlı şərh almaq mümkün olmayıb.
Bu arada, Səmədov fevralın sonlarında Masallıda ilahiyyatçı Sərdar Babayevin həbsini pisləyib.
"Hakimiyyətin dindarlarla davranışı totalitar sovet dövrünü xatırladır", deyə o, vəkili vasitəsilə bildirib.
Səmədov 2011-ci ilin yanvarında AİP-in bir qrup digər fəalı ilə birlikdə hakimiyyəti ələ keçirməyə cəhd, qanunsuz silah saxlama ittihamı ilə həbs olunub və 12 il azadlıqdan məhrumetmə cəzasına məhkum edilib.
Avropa Məhkəməsi onun şikayəti üzrə kommunikasiyaya başlayıb. –06B-
Cəmiyyət
-
Cümə günü saat 11:00-a yaxın minik avtomobili Nərimanov metro stansiyasının yaxınlığındakı World Telecom mağazasına çırpılıb.
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
Rəy yaz