![İsmayıl Rəsulov vaxtından əvvəl həbsdən azad edilib](https://turan.az/resized/media/2016/main/083100167224-750-500-resize.webp)
İsmayıl Rəsulov vaxtından əvvəl həbsdən azad edilib
Azərbaycan Xalq Cəbhəsi Partiyasının (AXCP) fəalı, Qarabağ müharibəsi əlili İsmayıl Rəsulov 30 günlük inzibati həbsdən vaxtından əvvəl azad edilib. Bu qərarı avqustun 30-da fəalın həbsdən verdiyi şikayəti təmin edən Bakı Apellyasiya Məhkəməsi (BAM) qəbul edib. Məlumatı Turan-a Rəsulovun vəkili Əsabəli Mustafayev verib.
Onun fikrincə, fəalın azad edilməsi Qarabağ müharibəsi əlilinin həbsinə ictimai qəzəb sayəsində mümkün olub.
“Biz şikayəti avqustun 29-da vermişik. Düzünü desəm, şikayətə belə operativ baxılacağını gözləmirdik. Bu gün gözlənilmədən mənə zəng etdilər və Apellyasiya Məhkəməsinə çağırdılar. Hesab edirəm ki, belə tez reaksiya və şikayətin təmin edilməsi mətbuatdakı nəşrlərin, İnternetdə sosial-şəbəkələrdə Qarabağ müharibəsi əlilinin böhtan ittihamla həbsinə kəskin reaksiyanın nəticəsi olub. İctimai qınaqla əlaqədar Rəsulovu tələsik azad ediblər”, deyə Mustafayev bildirib.
Onun sözlərinə görə, Rəsulov saxta ittihamla həbs olunub.
“Guya 59 yaşlı İsmayıl Rəsulov küçədə “xalq və dövlət əleyhinə çağırışlar” edib, senzuradankənar ifadələr işlədib, polis əməkdaşı onu intizama dəvət etdikdə isə fəal guya ona tabe olmayıb və müqavimət göstərib. Rəsulov özü bildirib ki, ittiham saxtadır, o, heç kimi söyməyib, heç kimə tabesizlik etməyib. O qeyd edib ki, onu polisə evindən çağırıblar, oraya gəldikdə isə həbs ediblər”, deyə Mustafayev bildirib.
Mustafayev qeyd edib ki, Rəsulovun həbsi faktı özü qanunsuz olub, belə ki, İnzibati Xətalar Məcəlləsi birinci və ikinci qrup əlillərin həbsini qadağan edir. Rəsulov isə ikinci qrup əlildir.
Rəsulov avqustun 25-də polisə tabe olmama ittihamı ilə həbs olunub. Müdafiə tərəfin məlumatına görə, o, çağırıldığı üçün özü polisə gəlib və oradaca saxlanılıb, polisə tabe olmama ittihamı əsassızdır. -06D-
-
- Çətin sual
- 30 Avqust 2016 18:40
Cəmiyyət
-
Ölkənin ən sürətlisi “Bakcell”, 4 sentyabr tarixində Bakı Şəhər Halqası Əməliyyat Şirkəti ilə birgə jurnalistlər üçün səhər yeməyi təşkil edib. Görüşdə “Bakcell” və “Bakı Şəhər Halqası Əməliyyat Şirkəti” nümayəndələri Azərbaycanda keçiriləcək sürət yarışının əhəmiyyəti barədə ətraflı danışıb, media nümayəndələrini maraqlandıran sualları cavablandırıblar.
-
Dövlət Sərhəd Xidməti (DSX) 2024-cü ilin avqust ayı ərzində dövlət sərhədinin mühafizəsilə bağlı göstəriciləri açıqlayıb.
-
Avqustun 6-da Bakıda hava tutqun, yağışsız olacaq. Güclü şimal-qərb küləyi əsəcək. Havanın temperaturu gecə 19-23 dərəcə, gündüz 26-29 dərəcə təşkil edəcək.
-
"Meymunçiçəyi" virusunun sürətlə yayılması hallarını nəzərə alaraq, Azərbaycan ərazisində profilaktik tədbirlərin keçirilməsi nəzərdə tutulur.
Rəy yaz