Türkiyə polisi Azərbaycandan Türkiyəyə qaçaqmalçılıq yolu ilə aparılmış 33 kilоqram 576 qrаm аğırlığındа 39 ədəd saf qızıldan olan külçəni ələ keçirib. Bu barədə Türkiyə hüquq-mühafizə orqanları məlumat yayıb.
Məlumatda deyilir ki, qızıl külçələr Azərbaycan dövlət nömrə nişanlı bir avtomobilin yük yerində olub. 30 və 32 yaşlarında iki nəfər polis tərəfindən göz altına alınıb.
Əməliyyatı İstanbul Qaçaqmalçılıq, Terrorla Mübarizə, Narkotiklərə qarşı Mübarizə və Tuzla Təhlükəsizlik idarələri keçirib. Azərbaycan nömrə nişanlı avtomobil İstanbulun Tuzla şimal yolunda Mehmetcik Vakfının önündə saxlanılıb.
Şübhəli kimi saxlanan şəxslər Azərbaycanda zərgərliklə məşğul olduqlarını bildiriblər. “Azərbaycanda zərgərliklə məşğul oluruq. Türkiyədə qızıl çox baha olduğundan qızılları əridib satmaq üçün İstanbula gətirdik”, deyə saxlanılanlardan biri qeyd edib.
Hər iki şəxs məhkəməyə gətirilib və orada barələrində həbs qətimkan tədbiri seçildikdən sonra həbsxanaya aparılıb. -03D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz