İstanbulda terrora bağlılıqda şübhəli bilinən Azərbaycan vətəndaşı saxlanılıb

Türkiyə hüquq-mühafizə orqanlarının apardığı xüsusi əməliyyat zamanı terrorizmə bağlılıqda şübhəli bilinən Azərbaycan vətəndaşı saxlanılıb. Bu barədə “Kafkazskiy uzel” Türkiyə hüquq-mühafizə orqanlarına istinadən  bildirib.

Saxlanılan şəxslərin əsasən Dağıstan, Çeçenistan və Azərbaycandan olduğu bildirilir.

İstanbul polisi hesab edir ki, terrorçu-kamikadzelər Türkiyəyə saxta sənədlərlə gəliblər.

İstanbulun Kayaşehir ərazisində saxlanılan Azərbaycan vətəndaşı barədə iyunun 30-da onun tanışları məlumat verib.

“Biz hələlik onun adını açıqlamaq istəmirik. Terrorizmə qarşı mübarizə şöbəsinin əməkdaşları onun evinə səhər tezdən gediblər. Onlar evdə olanlara güc tətbiq edərək ailə üzvlərindən birini özləri ilə aparıblar”, - saxlanılan şəxsin qohumu bildirib.

Onun sözlərinə görə, bu şəxs bundan öncə bir  miqrasiya xidməti tərəfindən bir neçə günlüyə saxlanılıb. O, İstanbulda çalışıb, miqrantlara leqallaşma məsələlərində hüquqi yardım göstərib və vasitəçilik edib.06в--