![ABŞ Azərbaycanda demokratiya sahəsində irəliləyişə ümid edir](https://turan.az/resized/media/2016/main/070200160908-750-500-resize.webp)
ABŞ Azərbaycanda demokratiya sahəsində irəliləyişə ümid edir
ABŞ güclü, müstəqil, demokratik dövlət kimi Azərbaycanla əlaqələri inkişaf etdirmək niyyətindədir. Bu barədə ABŞ-ın Azərbaycandkı səfiri Robert Sekuta ABŞ-ın Müstəqillik Gününün 240-cı ildönümünə həsr olunan tədbirdə bildirib.
Səfir xatırladıb ki, ABŞ 1991-ci ildə Azərbaycanın müstəqilliyini dəstəkləyib.
Müstəqillik illərində iki ölkə arasında əlaqələr fəal surətdə inkişaf edib. Həm Azərbaycan, həm də Amerika hərbçiləri Əfqanıstan, Kosovo, İraqda sülhyaratma missiyalarında iştirak ediblər.
1993-cü ildən ABŞ Azərbaycana 1,3 mlrd. dollar həcmində yardım, o cümlədən humanitar yardım ayırıb.
Sekuta bu ilin martında Azərbaycan prezidenti İlham Əliyevin ABŞ-a səfəri iki ölkə arasında əlaqələrin inkişafına töhfə verib.
Tədbirdə Azərbaycan hökuməti adından çıxış edən maliyyə naziri Samir Şərifov deyib ki, Bakı və Vaşinqton iqtisadi, terrorizmə qarşı mübarizə sahəsində əlaqələri inkişaf etdirirlər.
O ümidvar olduğunu bildirib ki, ATƏT—in Minsk Qrupunun həmsədri kimi ABŞ Ermənistan-Azərbaycan münaqişəsinin nizamlanması üzrə səylərini artırır.
Azərbaycanda insan hüquqları ilə bağlı vəziyyəti jurnalistlərə şərh edən səfir son aylar bu yöndə “irəliləyiş” olduğunu qeyd edib. “Ümid edirik ki, Azərbaycan bu yöndə irəliləməkdə davam edəcək”, - səfir vurğulayıb. O deyib ki, ABŞ Azərbaycanla bəzi sahələrdə, o cümlədən üç əsas istiqamət – təhlükəsizlik, iqtisadiyyat və insan hüquqları üzrə əməkdaşlıq edir.—06D--
-
- Cəmiyyət
- 2 İyul 2016 14:03
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz