Azərbaycan DİN üç gündən sonra hüquq müdafiəçisi Günay İsmayılovaya hücüm faktına reaksiya verib.
Nazirliyin mətbuat xidmətinin nümayəndəsi bildirib ki, yanvarın 28-də Nizami Rayon Polis İdarəsində fakt üzrə CM-in 221.3-cü maddəsi (xuliqanlıq) ilə cinayət işi açılıb. Eyni zamanda mətbuat xidməti bildirib ki, “kriminal hadisənin siyasiləşdirilməsi” cəhdi yolverilməzdir.
Öz növbəsində G.İsmayılova Turan-a bildirib ki, yanvarın 29-da onu 24-cü polis bölməsinə çağırıblar, lakin cinayət işinin qaldırılması barədə heç bir söz deyilməyib.
Yanvarın 30-da G.İsmayılova hücum edənin “fotorobotunun hazırlanması” üçün yenidən polisə çağırılıb.
G.İsmayılova hesab edir ki, ona hücum edən adamın məqsədi xəsarət yetirmək olub, çünki onun əlində alət olub və hüquq müdafiəçisinə zərbə endirmək istəyib. Lakin bunu edə bilməyib, çünki G.İsmayılova onun əlindən çıxaraq adamları köməyə çağırıb.
G.İsmayılova güman edir ki, hücum onun hüquq-müdafiə fəaliyyəti ilə bağlı ola bilər, məqsəd onu qorxutmaq və bir müddət işləmək imkanlarından məhrum etməkdir.
ATƏT-in mətbuat azadlığı üzrə nümayəndəsi Dunya Miyatoviç hüquq müdafiəçisinə hücumla bağlı narahatlığını bildirib. O, Azərbaycan hakimiyyətini operativ və hərtərəfli təhqiqat aparmağa, G.İsmayılovanın təhlükəsizliyini təmin etməyə çağırıb.
Yanvarın 26-da saat 20:30-da naməlum şəxs G.İsmayılovaya hücum edib. 28-30 yaşlarında naməlun kişi onun boğazından tutaraq vurmaq istəyib. Lakin G.İsmayılova onun əlindən çıxaraq qışqırıb, onun səsinə qonşular çıxıb və naməlum şəxs qaçıb.
G.İsmayılova Reportyorların Azadlıq və Təhlükəsizlik İnstititunun (RAT) direktor müavini olub. Hazırda bu qurumun hüquqlarını müdafiə edir.
2014-cü ilin oktyabrında o, Azərbaycanda vətəndaş cəmiyyətinin sıxışdırılması ilə bağlı New York Times qəzetində tənqidi məqalə dərc etdirib.–06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz