![İstintaq təcridxanasında gənc fəalın vəziyyəti pisləşib](https://turan.az/resized/750/500/resize/media/2014/main/061800081813.jpg)
İstintaq təcridxanasında gənc fəalın vəziyyəti pisləşib
Gənc fəal Orxan Eyyubzadənin vəkili Əsabəli Mustafayev müvəkkilinin istintaq təcridxanasından çıxarılaraq, qətimkan tədbirinin ev dustaqlığı ilə əvəz edilməsi haqqında vəsatət qaldırıb. Mustafayevin Turan-a verdiyi məlumata görə, Eyyubzadənin həbsdə saxlanılması təkcə əsassız deyil, həm də onun səhhəti üçün təhlükəlidir.
Vəkilin sözlərinə görə, Eyyubzadənin vaxtaşırı qıcolmaları olur və o huşunu itirir.
Məhbusun bu problemləri uşaqlıqdan var idi, amma istintaq təcridxanasında bu qıcolmalar çoxalıb və orada ona tibbi yardım göstərilmir.
Gənc fəal polisə güc tətbiq etməklə müqavimət göstərməkdə ittiham olunur.
Vəkil bu ittihamları absurd hesab edir. Onun sözlərinə görə, ötən ilin sonlarında həbs zamanı məhz polis fəala qarşı güc tətbiq edib.
Vəkil guya hadisənin baş verdiyi Binəqədi istintaq təcridxanasında videomüşahidə kameralarının yazılarına yenidən baxılması, habelə Eyyubzadə kimi qeyri-insani rəftara məruz qalmış şahidlərin dindirilməsi haqqında vəsatət qaldırıb.
Xatırladaq ki, Eyyubzadə 8 NİDA fəalı barəsində hökmə qarşı etiraz aksiyasında iştiraka görə mayın 6-da 20 sutka həbs cəzası alıb. Lakin həbs müddəti bitdikdən sonra o, azadlığa buraxılmayıb. Gənc fəal Binəqədi rayon məhkəməsinə gətirilib və məhkəmə onu CM-in 315.1-ci (hakimiyyət nümayəndəsinə qarşı güc tətbiq etmək) maddəsi ilə həbs edib. Bu maddə 3 ilədək azadlıqdan məhrumetmə cəzası nəzərdə tutur. -06D-
-
- İqtisadiyyat
- 18 İyun 2014 16:32
-
- Siyasət
- 18 İyun 2014 16:41
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz