Bakı/20.10.17/Turan: Azərbaycan Xalq Cəbhəsi Partiyasının (AXCP) fəalı Rəcəb Hüseynovu polisin saxladığı məlum olub. Bu haqda vəkil Əsabəli Mustafayev məlumat verib.
Vəkilin sözlərinə görə, R.Hüseynov hazırda Binəqədidəki müvəqqəti saxlama təcridxanasında saxlanılır. Ona 10 sutka inzibati həbs cəzası verilib. Hazırda Binəqədidəki cəzaçəkmə müəssəsindədir. Vəkil cəbhəçi gəncin cəzalandırılmasının səbəbləri barədə hələlik detallı bilgi ala bilmədiyini söyləyib.
AXCP fəalı Rəcəb Hüseynov oktyabrın 18-dən yoxa çıxmışdı. Saatlı rayon Gənclər Komitəsinin üzvü olan Rəcəb Hüseynov oktyabrın 18-də Biləsuvar rayonuna qonaq gedib, orada polislər tərəfindən saxlanılıb. Daha sonra onun Bakıya - polis əməkdaşlarına təhvil verildiyi bildirilirdi. Ancaq əlaqəli qurumların heç biri bununla bağlı rəsmi açıqlama verməmişdi. AXCP-nin mətbuat xidmətindən isə bildirmişdilər ki, Milli Şuranın oktyabrın 7-də keçirdiyi aksiyadan öncə və sonra fəallara təzyiqlər güclənib. Partiya hesab edirdi ki, gəncin saxlanılması da həmin prosesin tərkib hissəsidir.
Xatırladaq ki, oktyabrın 7-də Milli Şura Bakıda mitinq keçirib. Mitinq zamanı AXCP sədri Əli Kərimli deyib ki, ümumilikdə 200-ə yaxın fəal polisə çağırılıb. Onlardan bəziləri saxlanılıb. Ancaq mitinqdə səslənən bu açıqlamanı da hüquq- mühafizə orqanlarından dəqiqləşdirmək mümkün olmamışdı. Sonradan AXCP məlumat yaydı ki, 6 nəfər 10 gündən 30 günə kimi inzibati qaydada həbs cəzası alıb. Onların polisin qanunu tələblərini yerinə yetirməməkdə günahlandırıldığı açıqlanıb. Üstəlik, mitinq ərəfəsində və sonra AXCP-nin bir neçə üzvünün də işdən çıxarıldığı bildirilir.05B-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz