![İtkin neftçilərin ailə üzvləri axtarışların sürətlənməsini istəyirlər](https://turan.az/resized/750/500/resize/media/2016/main/030100148444.jpg)
İtkin neftçilərin ailə üzvləri axtarışların sürətlənməsini istəyirlər
2015-ci ilin dekabrında Xəzərin “Günəşli” yatağındakı 10 saylı platformada itkin düşən neftçilərin ailələri bu fün Fövqəladə Hallar Nazirliyinin qarşısına toplaşıblar. Neftçi ailələrinin məqsədi nazir Kəmaləddin Heydərovla görüşməkdir.
Belə ki, neftçilərin ailə üzvləri tikin düşənlərin axtarışlarının intensiv aparılmamasından narazıdırlar və bu haqda nazir K.Heydərovu məlumatlandırmaq istəyirlər.
Ailə üzvləri fövqəladə hallar nazirinin müavini Etibar Mirzəyevlə görüşüblər. “Bizə itkin neftçilərin axtarışlarının davam etdiyi və edəcəyi deyildi”, - ailə üzvlərindən biri Esmira Əhmədova bildirib.
Onun sözlərinə görə, bu yaxınlarda FHN məsullarından birinin itkin neftçilərin axtarışlarının dayandırılması haqda açıqlaması bu ailələrin narahatlığına səbəb olub. E.Əhmədovanın dediklərinə görə, bu gün nazir müavini E.Mirzəyev axtarışların davam edəcəyini vəd edib.
Xatırladaq ki, 2015-ci il dekabrın 4-də “Günəşli” yatağındakı 10 saylı platformada baş verən yanğın nəticəsində 34 nəfər xilas edilib. 7 nəfərin meyiti dərhal tapılıb, daha sonra 6 cəsəd aşkar edilib. Bu günlərdə isə daha bir meyit Xəzərin Neftçala rayonu sahillərində aşkar edilib. Hazırda 16 nəfərin axtarışı davam edir.
İtkin neftçilərin ailə üzvləri FHN-də görüşə qədər dəfələrlə Dövlət Neft Şirkətinin rəhbərliyi ilə görüşüblər, axtarışların intensiv aparılmamasına etirazlarını bildiriblər.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz