![Jam.az saytının baş redaktoru saxlanılıb](https://turan.az/resized/750/500/resize/media/2016/main/070200160874.jpg)
Jam.az saytının baş redaktoru saxlanılıb
Jam.az saytının baş redaktoru Fikrət Fərəməzoğlu saxlanılıb. Bu barədə məlumatı yerli KİV Fərəməzoğlunun xanımına istinadən yayıb.
Onun sözlərinə görə, iyunun 30-da günorta mülki geyimli üç nəfər onun evinə gələrək jurnalistin noutbukunu götürüb. Onlar Fərəməzoğlunun saxlandığını bildiriblər və bunun səbəbini açıqlamayıblar.
Bəzi məlumatlara görə, Fərəməzoğlu DİN Baş Mütəşəkkil Cinayətkarlığla Mübarizə İdarəsində saxlanılır.
DİN və Baş Prokurorluğun mətbuat xidmətlərindən şərh almaq mümkün olmayıb.
F.Fərəməzoğlu 10 il öncə cinayət məsuliyyətinə cəlb olunmuşdu. O zaman “24 saat” qəzetinin baş redaktoru olan Fərəməzoğlu DİN rəhbəri Ramil Usubovun şərəf və ləyaqətin qorunmasına dair iddiası üzrə şərti olaraq bir il azadlıqdan məhrum edilmişdi.
Jam.az saytı hər hansı konkret siyasi-ideoloji təmayülü ilə fərqlənmir. Saytda müxtəlif rütbəli məmurların və biznes nümayəndələrinin ünvanına kəskin tənqidi məqalələr yer alır.—06D
-
- Cəmiyyət
- 2 İyul 2016 11:15
-
- Foto sessiyalar
- 2 İyul 2016 13:05
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz