![Jam.az saytının redaktorunun işi üzrə istintaq yekunlaşıb](https://turan.az/resized/750/500/resize/media/2016/main/110100173537.jpg)
Jam.az saytının redaktorunun işi üzrə istintaq yekunlaşıb
Jam.az saytının redaktoru Fikrət Fərəməzoğlunun işi üzrə ibtidai istintaq yekunlaşıb, bu barədə Turan-a vəkil Elçin Sadıqov bildirib.
Təqsirləndirilən şəxs və vəkil iş materialları ilə tanış olmağa başlayıb.
Vəkil qeyd edib ki, DİN-in Mütəşəkkil Cinayətlərə qarşı Mübarizə Baş İdarəsində ibtidai istintaq zamanı jurnalistdən işgəncə ilə ifadə alıblar. Onu "Nardaran işi" üzrə təqsirləndirilən şəxslərin də şikayət etdikləri əməkdaşlar - İbrahim Kazımov və İslam Ağabəyov dindiriblər.
Fərəməzoğlu işgəncə faktı ilə bağlı artıq Baş Prokurorluqda ifadə verib.
Vəkil qeyd edib ki, müdafiə tərəfi məhkəmədə jurnalistin cinayət təqibinə bəraət əsasında xitam verilməsində israr edəcək.
Fərəməzoğlu 2016-cı il iyunun 30-da hədələmə yolu ilə pul tələb etmək ittihamı ilə həbs olunub. DİN-in məlumatına görə, jurnalist sahibkardan 3000 manat rüşvət alarkən saxlanılıb.
Ötən həftə ona qarşı ittihamlar ağırlaşdırılıb - "hədələmə yolu ilə pul tələb etmək, bir qrup şəxs tərəfindən, təkrarən və əmlak ələ keçirmək məqsədilə törədildikdə".
İlk ittiham ilə Fərəməzoğlunu 5 ilədək azadlıqdan məhrumetmə cəzası gözləyirdisə, indi əmlakı müsadirə olunmaqla 10 ilədək azadlıqdan məhrum edilə bilər.
Fərəməzoğlu yerli hüquq müdafiəçiləri tərəfindən siyasi məhbus kimi tanınıb, baxmayaraq ki, onun saytı qalmaqallı reputasiyaya malikdir. -06B-
-
- Cəmiyyət
- 1 Noyabr 2016 15:50
-
- İqtisadiyyat
- 1 Noyabr 2016 16:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz